Н.Учрал хотын даргад талархал илэрхийлэв

Зөвшөөрлийн хуулийн дагуу журмуудаа цуцалж ажиллаж байгаа Хотын дарга Х.Нямбаатарт Засгийн газрын хэрэг эрхлэх газрын дарга Н.Учрал талархал илэрхийлэв. Үүнд нийслэлийн иргэд ч талархаж байгаагаа цахимд илэрхийлжээ. Учир нь хотын дарга, хот худалдаа, үйлчилгээ эрхлэх гэж байгаа иргэн, аж ахуйн нэгжийг зөвшөөрөл гэдэг зүйлээр боомилохгүй. Худалдаа, үйлчилгээ эрхлэх нийтлэг журамд зөвшөөрлийн оронд мэдэгдэл гэдэг өөрчлөлт орсон. Иргэн хүсэлтээ гаргалаа, цахимаар мэдэгдэл очно. Тэгээд л үйл ажиллагаагаа эхлүүлж болно гэсэн юм.

Худалдаа, үйлчилгээ явуулдаг хүмүүст зөвшөөрөл авах нь өмнө нь хүнд сурталтай, шат дараатай байсан бол одоо ийнхүү жигдэрч байгаад иргэд эерэг сэтгэгдэлтэй байгаа аж.

Мөн цаашид нэг нь хүсэлтээ барьчихаад л хаалгыг нь сахиад суудаг. Нөгөөх нь хүнээр гуйлгаж түүлгээд суугаад байдаг харилцааг халж байгаагаа мэдэгдсэн. Хотоос өгдөг зөвшөөрлүүд бүгд дүүргүүдэд шилжсэн байна. Харин ажил хариуцсан хүмүүс дүүргүүдээ арга зүйгээр хангаад, заавар, зөвлөмжөө өгөөд явна гэдгийг хотын дарга онцолжээ.