УИХ дахь Ардчилсан намын бүлэг энэ цаг мөчид хуралдаж байна. Бүлгээр УИХ дахь Ардчилсан намын бүлэг эдийн засгийн өнөөгийн төлөв байдлын талаарх мэдээллийг сонсож байгаа аж. Дээрх мэдээлэлтэй холбогдуулж Монголбанкны Ерөнхийлөгч Б.Лхагвасүрэн болон албаны хүмүүс мэдээлэл хийж гишүүдийн асуултад хариулт өгчээ.

Үндэсний статистикийн хорооны мэдээллээр өнгөрсөн хоёрдугаар сард инфляци өсч улсын хэмжээнд 9.6 хувьтай гарсан. Инфляци өсөхөд төрөөс өнгөрсөн оны арваннэгдүгээр сард эрчим хүчний үнийг 30-83 хувиар нэмэгдүүлэх шийдвэр гаргасан, мөн гадаад хүчин зүйлс зэрэг нь нөлөөлсөн болохыг төв банкны ерөнхийлөгч мэдэгдсэн. Олон улсын эдийн засгийн нөхцөл байдал, дотоодод инфляци өссөн зэргийг харгалзан үзэж бодлогын хүүг 2 нэгж хувиар нэмж, 12 хувьд хүргэх шийдвэр гаргасан юм.

Түүнчлэн нүүрсний үнэ унасан нь экспортын орлогод нөлөөлөх дүр зураг буух болсон. Энэ мэтчлэн олон сорилт эдийн засагт үүсч эхлээд байгаа.