Аюулгүй байдлын баталгааг Орос, Украины гал зогсоох хэлэлцээрийн нэг хэсэг болгохыг шаардана гэж Кремлийн Гадаад хэргийн дэд сайд Александр Грушко хэлэв. Тэрбээр “Бид аюулгүй байдлын баталгааны нэг хэсэг болгон Украины төвийг сахих статусыг шаардана. Мөн НАТО-ийн орнууд Украиныг эвсэлд элсүүлэхээс татгалзсан байх ёстой” гэв.

Гал зогсоох асуудлаар АНУ-ын ерөнхийлөгч Дональд Трамп, Оросын ерөнхийлөгч Путин нар маргааш /2025.03.18/ ярилцах төлөвтэй байна.

Ням гаригийн орой ярилцлага өгөх үеэрээ Трамп “Амралтын өдрүүдээр маш их ажил хийгдсэн. Бид энэ дайныг дуусгаж чадах эсэхээ хармаар байна. Бид энэ уулзалтаар газар нутаг, цахилгаан станцын тухай ярих болно. Мөн Орос, Украины хооронд тодорхой хөрөнгө хуваах асуудлыг хэдийнэ хэлэлцээд эхэлсэн” гэжээ.

Эргэн сануулахад, АНУ болон Украин 30 өдрийн гал зогсоох саналыг Орост тавихаар тохиролцсон билээ. Путин үүнийг дэмжиж буйгаа илэрхийлсэн ч биелүүлэхэд амаргүй нөхцөл болзлуудын жагсаалтыг гаргажээ.