-2024 он банкны салбарын хувьд ашиг орлого өндөр өсөлттэй, өр орлогын харьцааны үзүүлэлтүүд сайн эерэг жил болж өнгөрлөө. Өнгөрсөн жилийн тухайд бизнес, эдийн засгийн салбаруудаа дэмжих зээл түлхүү олгогдсон байна. Тухайлбал бизнесийн салбарын зээл 37 хувийн өсөлттэй гарсан байна. Өнгөрсөн жил макро эдийн засаг өсөлттэй байсан учраас чанаргүй зээлийн тоо хэмжээ, харьцаа сүүлийн 15 жилийн түүхэнд байгаагүй доод хэмжээнд хүрээд байна. Энэ нь зээлийн хэмжээ 35 хувь өссөнтэй холбоотой.  Банкны салбар өөрөө 23 хувь өсч, системийн нөлөө бүхий таван банк энэ онд, өнгөрсөн жилийн ашгаас 530 тэрбум төгрөгийг ногдол ашиг хэлбэрээр хуваарилахаар тооцоолол гарсан байна.

Түүнчлэн төсвийн хэт их тэлэлттэй байсан. Тодруулбал, өнгөрсөн жил тухайд 35 хувиар нэмэгдсэн байгаа юм. Энэ нь ДНБ-ий 38 хувьтай тэнцэх тоо байгаа юм. Сонгуулийн өмнө МАН энэ тоог 25 хувь хүртэл бууруулна гэж амлалт өгч байсан. 2024 онд хоёр ч удаагийн сонгууль боллоо. Үүнтэй холбоотойгоор урсгал зардал их байсан, мөн өндөр дүнтэй төсвийн тодотгол хийлээ. Энэ бүхнээс шалтгаалаад энэ тоо улам өссөн буюу 38 хувьд хүрсэн.

Тухайлбал тэр их хэмжээний хөрөнгө оруулалтын урсгал зардал буцаад импорт болж хувирч байгаа юм. Тиймээс энэ алдагдлаа гаднын зээл, бондоор шийдэж байж төлбөрийн тэнцэл ашигтай гарч байна. Энэ оны хувьд олон улсын нөхцөл байдал тодорхойгүй, худалдааны дайн үргэлжилж байна. Энэ үед түүхий эдийн үнэ ханш тогтворгүй байна. Гэтэл тодорхойгүй зүйлд хүлээлттэй хандах байдлаар төсвөө зарцуулж байгаа нь эрсдэлтэй гэж тодорхойлж байна.

Саяхан бодлогын хүүг хоёр нэгж хувиар нэмэгдүүлэх шийдвэр гаргасан. Энэ бол Монголбанкины хувьд гарцаагүй хийх ёстой шийдвэр байсан. Үүнийг дагаад хүүгийн түвшин тодорхой хэмжээнд нэмэгдэх буюу бидний хүсээд байгаа Монгол Улсын макро орчин тогтвортой байж, хүү буурах боломж тодорхойгүй хугацаагаар хойшилсон.