Япон, Хятад болон Өмнөд Солонгосын гурван талт хамтын ажиллагааг хөгжүүлэх зорилгоор тус гурван улсын гадаад хэргийн сайд нар гуравдугаар сарын 22-нд Токио хотод уулзах болжээ. Мөн энэ үеэр Япон, Хятадын гадаад хэргийн сайд нар тусдаа хэлэлцэж, хоёр орны хооронд хүлээгдэж буй асуудлуудыг хэлэлцэхээр төлөвлөж байна.

Гадаад хэргийн сайд нарын уулзалтад Японы Ивая Такеши, Хятадын Ван И, Өмнөд Солонгосын Чо Тэ Юл нар оролцоно

Эх сурвалжийн мэдээлснээр, гадаад хэргийн сайд нар эдийн засгийн түншлэл, төрөлт буурч буйтай тэмцэх арга хэмжээ зэрэг олон салбарт хамтын ажиллагаагаа хэрхэн эрчимжүүлэх талаар хэлэлцэнэ. Мөн энэ онд багтаан гурван талт дээд хэмжээний уулзалт зохион байгуулах асуудлыг хэлэлцэхээр төлөвлөжээ.

Япон, Хятадын гадаад хэргийн сайд нар тусдаа уулзаж, хоёр орны эдийн засгийн дээд түвшний яриа хэлэлцээг зохион байгуулахаар төлөвлөж байгаа бололтой. Ялангуяа, хоёр орны хооронд үүсч буй далайн бүтээгдэхүүний импортыг зогсоох асуудлыг шийдвэрлэх хэлэлцээ хийж магадгүй.