Монгол Улсад дипломат алба үүссэний 100 жилийн ой ирэх жил тохиохтой холбогдуулан өнгөрсөн бямба гарагт Гадаад харилцааны сайд Г.Занданшатар сэтгүүлчидтэй зангиагүй уулзалт хийсэн. Тэрбээр энэ үеэр Монгол Улсад ажилладаг хятад иргэдийг заналхийлсэн, эл явдлыг хэвлэл мэдээллийн хэрэгслээр өөгшүүлэх нь БНХАУ-д зорчих монгол иргэдийн аюулгүй байдалд сөргөөр нөлөөлж болзошгүй хэмээн Хятадын Элчин сайдын яамнаас мэдэгдсэнийг дуулгасан.

Тиймээс энэхүү анхааруулгын талаар ямар арга хэмжээ авч бай­гааг ГХЯ-ны Консулын газрын дарга Д.Ганхуягаас тодрууллаа.

-Хятадын Элчин сайдын яамнаас манай ГХЯ-нд өгсөн сануулгын дагуу ямар арга хэмжээ авч байна вэ?

-Хятадын Элчин сайдын яамнаас ГХЯ-нд сануулга өгсөн юм байхгүй. Сануулга, анхааруулга гэж бичээд байгаа. Ингэж ярих нь буруу. Хоёр орны улс төр, эдийн засгийн хамтын ажиллагаанд сөргөөр нөлөөлөхүйц явдал их гарч байгааг л дуулгасан төдий.

-Хэвлэлийнхэн Монголд бай­гаа хятадуудыг хавчиж  байна гэсэн юм билээ. Танайхаас хятад иргэдийн талаар гарч буй мэдээлэлд хяналт тавих уу?

-Бидэнд тийм эрх байхгүй. Тэгээд ч сэтгүүлчид ташаа мэдээлэл цацах нь ямар хор уршигтайг та бид мэдэж байгаа. Хамгийн гол нь өөрсдийнх нь ухамсар л мэднэ.  

Р.САРАНГОО

Зохиогчийн эрх:
 "Улс төрийн тойм" сонин