Монголын үндэсний бөхийн холбооноос Богдхан уулын хишиг барилдааныг сэргээн зохион байгуулахаар болжээ. Анх энэ барилдааныг 2006 оноос Дөрвөн уулын хишиг барилдаан нэртэйгээр зохион байгуулж ирсэн. Үүний дотор Хан-Уул дүүргийн нутаг дэвсгэрт орших Богдхан уулын хишиг барилдаан багтдаг бөгөөд цар тахлаас хойш тасраад байсан барилдааныг сэргээн хамтран зохион байгуулж ажиллахаар болсон байна.

Анхны барилдаанд улсын заан М.Өсөхбаяр түрүүлж  байсан бол 2008 онд дархан аварга Г.Өсөхбаяр, 2009 онд улсын заан М.Өсөхбаяр, 2010 онд улсын начин Э.Энхбат, 2011 онд аймгийн арслан Л.Цээсүрэн, 2012 онд дархан аварга Н.Батсуурь, 2013 онд аварга Ч.Санжаадамба, 2014 онд улсын арслан Р.Пүрэвдагва, 2015 онд улсын арслан Ц.Содномдорж, 2016 онд улсын начин Э.Даш, 2017 онд улсын начин Б.Амарзаяа нар түрүүлж байжээ.