Өмнөд Солонгост цэргийн сургуулилалтын үеэр хоёр сөнөөгч онгоц иргэний объектыг санамсаргүй бөмбөгдсөн хэрэг өнгөрсөн долоо хоногт гарсан. Тодруулбал, хоёр "KF-16" сөнөөгч онгоц Сөүлээс хойд зүгт 40 км-ийн зайд орших Почеон дахь сургуулилтын талбайн гадна "MK-82" маркийн найман бөмбөг хаясан. Ослоос болж 38 хүн шархадсаны 24 нь энгийн иргэн байжээ.

Мөрдөн байцаалтын явцад нисгэгчид зорилтот координатаа буруу оруулснаас болж осол гарсан нь тодорхой болсныг Батлан хамгаалах яам мэдэгдэв. Тиймээс нисгэгчдийг ажил мэргэжлийн хайхрамжгүй байдал гаргасан гэж буруутган яллагдагчаар татжээ. Мөн тэднийг цэргийн байгууламж, тэр дундаа сүмийг гэмтээсэн хэрэгт буруутгаж байна.

Нисгэгчид хөөрөхөөс өмнө зорилтот координатыг буруу оруулсан ч гэлээ алдаагаа засах дор хаяж гурван ч боломж байсан гэдгийг шалгалтын үеэр онцолжээ.

Нисгэгчийн буруутай үйлдлээс гадна удирдлага, хяналт шалгалтын журам хангалтгүй байснаас болж осол гарсан гэж үзжээ. Иймд доод албан тушаалтнууддаа тодорхой зааварчилгаа өгөөгүй гэх үндэслэлээр хоёр захирагчийг ажлаас нь чөлөөлсөн байна.