Нийслэлийн Баянгол дүүргийн 21 дүгээр хороонд өчигдөр /2025.03.12/ авто худалдааны төв шатсан осол гарчээ. Тодруулбал, 50х70 метрийн хэмжээтэй авто худалдааны төвийн барилгын хана, дээврийн хэсэг, эд зүйл шатаж 21 ширхэг автомашин хайрагдсан нөхцөл байдал тогтоогдсон байна. Дуудлага мэдээллийн дагуу нийслэлийн Чингэлтэй дүүргийн Онцгой байдлын хэлтсийн 10 дугаар анги, Сонгинохайрхан дүүргийн Онцгой байдлын хэлтсийн 26 дугаар ангийн алба хаагчид ажиллаж галыг унтраасан байна. Одоогоор холбогдох байгууллагууд галын шалтгаан, хохирлыг тогтоохоор ажиллаж байгаа юм байна.

Урьдчилсан байдлаар ОБЕГ-ын алба хаагчид иргэн, аж ахуй нэгжид учирч болох дөрвөн тэрбум төгрөгийн өмч хөрөнгийг авран хамгаалсан гэж мэдээллээ.