Япон улс АНУ-ын цагаан будааны импортод татвар ногдуулсантай холбогдуулсан Цагаан ордны хэвлэлийн нарийн бичгийн дарга шүүмжлэв. Тодруулбал, Канадын ган, хөнгөн цагааны татварын талаарх хэвлэлийн бага хурлын үеэр Каролин Левитт бусад улс орныг хамруулсан график зургийг сэтгүүлчдэд харуулсан байна. Тэрбээр уг графикаас Япон, Европын холбоо, Энэтхэгийг онцолж, АНУ-ын татвартай харьцуулах жишээ болгон үзүүлжээ.

Левитт хэлэхдээ,"Японыг хар л даа. Цагаан будааны импортдоо 700 хувийн тариф ногдуулдаг. Ерөнхийлөгч Трамп харилцан ойлголцолд итгэдэг. Америкийн бизнес эрхлэгч, ажилчдын эрх ашгийг дээдэлдэг ерөнхийлөгчтэй болох цаг нь болсон. Эцсийн эцэст түүний хүсч байгаа зүйл бол шударга, тэнцвэртэй худалдаа наймаа юм" гэжээ.

Гэхдээ Япон улс АНУ-д цагаан будааг татваргүй импортлох квотын дагуу нийлүүлдэг гэдгийг Левитт дурдаагүй аж.

Уг импортын квотоос тусдаа импортод нэг кг тутамд 341 иен буюу ойролцоогоор 2 ам.долларын татвар ногдуулдаг гэдгийг Японы албан тушаалтнууд мэдэгдэж, буруутгажээ.