Засгийн газрын ээлжит хуралдаан долоо хоног бүрийн Лхагва гаригт болдог. Өнөөдрийн /2025.03.12/ Засгийн газрын хуралдаан 14.30 цагт эхлэх гэнэ. Ерөнхий сайд Л.Оюун-Эрдэнэ хэд хэдэн чухал асуудлаар салбарын сайд нартай хуралдаж байгаа аж. Өнөөдрийн ээлжит хуралдаанаар,

• Нийслэлийн Шуурхай штабын 6 дугаар хуралдааны талаар,
• Монгол, Францын Засгийн газар хоорондын Ажлын хэсгийн хуралдааны тухай,
• Гашуунсухайт-Ганцмод боомтын хил дамнасан төмөр зам, нүүрсний худалдаа,
• Тавантолгой нүүрсний уурхайн хүчин чадлыг нэмэгдүүлэх хамтын ажиллагааны тухай,
• Биржээр арилжаалах бүтээгдэхүүний нэр төрөл, ангилал болон дотоод борлуулах уул уурхайн бүтээгдэхүүний биржийн арилжааны журам батлах тухай" Засгийн газрын тогтоолын төсөл,
• Монгол Улсын Хөгжлийн банкны тухай хуулийн шинэчилсэн найруулгын төсөл болон уг хуулийн төсөлтэй холбогдуулан боловсруулсан хууль тогтоомжийн төсөл
• Тусгай үүрэг гүйцэтгэгч Элчин сайд томилох тухай
• Төсвийн нөхцөл байдлын талаар
• “Эгийн голын усан цахилгаан станц” төслийн өнөөгийн нөхцөл байдал, цаашид авах зарим арга хэмжээний талаар зэрэг нийт 19 асуудал хэлэлцэх гэнэ.