Мэргэжлийн сүмогийн Харү башё уламжлал ёсоор Осака хотноо өнгөрсөн Ням гаригт эхэлсэн. Башёгийн эхний өдөр шинэхэн ёкозүна Хошорюү С.Бямбасүрэн комүсүби Абид өвдөг шороодож, шуугиан тарьсан. Тэгвэл тэрбээр өчигдөр/2025.03.10/ Вакатакакагэг давж, ёкозүна цолтой анхны ялалтаа байгуулжээ.

Өдгөө 25 настай 74 дэх ёкозүнагийн тухайд өнгөрсөн нэгдүгээр сарын башёд түрүүлэн ёкозүна цолны болзлоо хангасан билээ. Мөн ёкозүна асан Тэрүнофүжи Г.Ган-Эрдэнэ бэртлийн улмаас үргэлжлүүлэн барилдах боломжгүй болж, зодог тайлсан учир Хошорюүд цол олгох шийдвэрийг түргэвчилсэн билээ.

Тэгвэл комүсүби Киришима Б.Лхагвасүрэн өчигдөр озэки Оносатод унаж, 1-1 гэсэн амжилттай болжээ. Бусад монгол бөхчүүдийн тухайд Тамаваши Б.Мөнх-Оргил Ошома П.Дэлгэрбаярыг давжээ. Харин Онокацү Б.Чойжилсүрэн Мидорифүжиг давсан аж. Ахмад бөх Чиёошома Г.Мөнхсайхан Г.Мөнхсайхан сэкивакэ Дайэйшод өвдөг шорооджээ.