Таксины жолооч эмэгтэй насанд хүрээгүй хүүхдэд зүй бус үйлдэл үзүүлж, хүчирхийлсэн гэх мэдээлэл өчигдөр /2025.03.10/ олон нийтийн сүлжээгээр цацагдсан. Хохирогч хүүхдийн ээж "Гуравдугаар сарын 7-нд миний хүү таксигаар үйлчлүүлэх үед таксинд байсан хоёр эмэгтэй ёс бус үг хэллэг хэлж, биед нь хүрэхийг завдсан" хэмээн мэдэгдсэн юм. Тэгвэл тус хэрэгт цагдаагийн байгууллагаас мөрдөн шалгах ажиллагаа явуулж эхэлжээ. Тодруулбал, цагдаагийн байгууллагаас дээрх хэргийн хохирогчтой холбогдон нийслэлийн Хан-Уул дүүргийн цагдаагийн нэгдүгээр хэлтэст уг хэргийг шалгаж байгаа гэж мэдээллээ.