Шведийн Стокхольм хотноо "CS2" төрлийн "ESL Pro League"-ийн 21 дэх улирал үргэлжилж байна. 400 мянган ам.долларын шагналын сантай, 24 багтай эхэлсэн тэмцээн өдгөө 16 багтай үлдэж, шувтаргын шат руугаа орлоо. Монголын "The MongolZ" баг ч чансаагаараа шууд хоёрдугаар шатнаас тэмцээнээ эхлүүлэв. Тэд өчигдөр/2025.03.07/ хоёрдахь тоглолтоо Германы "G2" багийн эсрэг хийж, 2-1 гэсэн харьцаатай хожсон билээ.

Тэгвэл өнөөдөр плей-оффын шат руу дэвших эрхийн төлөө Оросын "Spirit" багтай тоглож, 0-2 гэсэн харьцаатай хожигдлоо. Тус багаас "donk" буюу Данил Крышковец хүү дахин гайхалтай тоглолтоо гаргаж, багаа манлайлав. Тэд плей-оффын шат руу дэвшиж, "The MongolZ" баг 2-1 гэсэн амжилттай болсон тул маргааш дахин плей-оффын эрхийн төлөө тоглохоор болжээ.