НЭМЭЛТ:

The MongolZ баг "G2"-г 2-1 гэсэн харьцаатай буулган авч, ээлжит хожлоо байгууллаа. Эхний мап дээр "G2" хожиж, дараагийн мап дээр мөн 11-2 гэж илүүрхэж байсан ч "The MongolZ" баг гайхалтай эргэн ирж, гурав дахь мапыг гаргасан. Гурав дахь мап дээр ч "The MongolZ" баг эхнээсээ илүү явсаар шийдвэрлэх үед "G2" эргэн ирсэн ч "The MongolZ" хариуг нь барьж, ялав.

Шведийн Стокхольм хотноо "CS2" төрлийн "ESL Pro League"-ийн 21 дэх улирал үргэлжилж байна. 400 мянган ам.долларын шагналын сантай, 24 багтай эхэлсэн тэмцээн өдгөө 16 багтай үлдэж, шувтаргын шат руугаа орлоо. Монголын "The MongolZ" баг ч чансаагаараа шууд хоёрдугаар шатнаас тэмцээнээ эхлүүлэв. Тэд өчигдөр/2025.03.07/ эхний тоглолтоо Германы "GamerLegion" багийн эсрэг хийж, 2-0 гэсэн харьцаатай хожжээ.

Өнөөдөр 20.00 цагаас "The MongolZ" баг тэмцээний хоёр дахь тоглолтоо Германы "G2" багийн эсрэг хийнэ. Хоёр баг нийт дөрвөн удаа учраа таарсан бөгөөд 2:2 гэсэн харьцаатай байна. Сүүлд Шанхайд болсон Мэйжорын хасагдах шатанд учраа таарахад "The MongolZ" баг 1-0 гэсэн харьцаатай хожиж байсан түүхтэй.

"G2" баг өчигдөр Бразилын "paiN Gaming" багийг 2-0 гэсэн харьцаатай хожсон.