Онцгой байдлын ерөнхий газраас ой хээрийн түймэр иргэдийн буруугаас болж гарсан талаар мэдээллээ. ОБЕГ-аас өгсөн мэдээллээр, он гарсаар анхны ой, хээрийн түймэр Дорнод аймгийн Булган сумын Баян-Уул гуравдугаар баг "Үүдийн жаран" гэдэг газар өчигдөр /2025.03.06/ 14:00 цагт бүртгэгдэж, аймгийн Онцгой байдлын газрын Эрэн хайх, аврах ангийн алба хаагчид, Матад, Булган сумын мэргэжлийн ангийн алба хаагчид ажиллаж, 20:40 цагт бүрэн унтраасан байна.

Иймд иргэд та бүхэн түймрийн аюултай үе буюу хуурайшилт өндөртэй хаврын өдрүүдэд халуун цогтой үнс нурмаа зориулалтын тагтай саванд хийж, хог шатаах болон ил гал гаргахгүй байх зэргээр ой, хээрийн түймрээс урьдчилан сэргийлэхийг онцгойлон анхаарууллаа.