Япон улс сүүлийн 30 жилд тохиолдоогүй хамгийн том ой хээрийн түймэртэй тэмцэж байна. Тодруулбал, өнгөрөгч долоо хоногийн Пүрэв гаригаас хойш тус улсын хойд хэсгийн Офунато хотын ойролцоо 5200 гаруй хавтгай дөрвөлжин талбай шатаж, наад зах нь нэг хүн амь насаа алджээ. Гал түймэр, гамшгийн удирдлагын агентлаг (FDMA) мэдээлснээр, ой хээрийн түймрийг унтраахаар 2000 гал сөнөөгч дайчлагдаж байгаа юм.

Японы хоёр дахь том муж, хүн амын нягтралшил багатай Иватэ мужийн ой мод шигүү газарт түймэр хамгийн хүчтэй байгаа гэдгийг тус агентлаг мөн анхааруулсан юм. Одоогийн байдлаар 80 гаруй байшин, барилга түймэрт өртөж, шатсан эсвэл эвдэрсэн байна. Тус бүс нутагт өнгөрсөн сард ердийн дундаж 41 мм хур тунадас 2.5 мм-ээр орсон нь түймэр газар авахад нөлөөлсөн гэж мэргэжилтнүүд үзэж буй. Нийт 4600 оршин суугчийг нүүлгэн шилжүүлэх ажиллагаа явагдаж байгаа бөгөөд тэдний 2000 нь бүс нутгийг орхиж, 1200 гаруй нь хорогдох байранд оржээ.