Сар шинийн баярын өдрүүдийн дараа тавгийн идээнийхээ хэвийн боовыг ашиглан бялуу, кекс хийх тохиолдол элбэг байдаг. Тэгвэл хүнсний технологичид хэвийн боовыг дахин ашиглаж, нарийн боов хийхийг эрүүл мэндэд хортой хэмээн үздэг байна.

Тухайлбал, хэт боловсруулсан цагаан гурилтай, ханасан тосонд хайрсан хэвийн боовыг сар шинийн баярын өмнө худалдан авч, багадаа тав хоног тасалгааны хэмд байлгадаг.

Ингэснээр ханасан тос ихтэй бүтээгдэхүүнийг буталж, өндөг болон, сахартай зуурч дахин хэрэглэх нь эрүүл мэндэд сөргөөр нөлөөлөх учир аль болох бялуу, кекс хийхээс татгалзах мөн шарж болон жигнэж хэрэглэхгүй байхыг мэргэжилтнүүд анхааруулж байгаа юм. 

Хэвийн боовыг 75 хувиас ихгүй агаарын харьцангуй чийглэгтэй, +20-оос доошгүй хэмтэй орчинд 15 хоног хадгалж хэрэглэхийг зөвлөж байна.