Хятадын улс төрийн зөвлөлдөх дээд байгууллага болох  Бүх Хятадын Ардын Улс төрийн Зөвлөлдөх Зөвлөлийн Үндэсний Хороо /CPPCC/ Мягмар гаригт /2025.03.04/ Бээжин хотноо жил тутмын ээлжит чуулганаа нээлээ. Тус улсын дарга Ши Жиньпин, гадаад харилцааны сайд Ванг И болон бусад удирдагчид Хятадын Коммунист намын 14 дэх Үндэсний хорооны гуравдугаар чуулганы 15:00 эхэлсэн нээлтийн хуралд оролцсон юм. Уг чуулганаар хэлэлцэх ёстой асуудлуудыг дараалан хэлэлцэж, баталсан бөгөөд ХКН-ын Үндэсний хорооны дарга Ван Хунин "CPPCC"-ийн байнгын хороог төлөөлж ажлын тайлан тавив.

Тодруулбал, өнгөрсөн нэг жилийн хугацаанд чөлөөт худалдааны бүс, хил дамнасан мэдээллийн урсгал, хөгжил буурай улс орныг эдийн засгийн чадамжтай орнуудтай хамтран ажиллах бодлогыг дэмжих зэрэг арга хэмжээг авсан байна.

ХКН-ын Үндэсний хорооны дарга Ван чуулганы нээлтийн үеэр хэлэхдээ, 2024 оны чуулганаас хойш "CPPCC" нийт 6019 санал хүлээн авч, 5091 өргөн мэдүүлснээс 99.9 хувийг нь шийдвэрлэсэн байна.

Тус зөвлөлдөх хороо ард иргэдийн мэдлэг боловсрол, хөгжилд хувь нэмэр оруулах сургалт, семинарыг зохион байгуулж, хувийн хэвшлийг дэмжих журмаар бизнесийн орчныг сайжруулах, чөлөөт худалдааны туршилтын орчныг бий болгосон гэв. Товчхондоо, улс төрийн дээд үндэсний хороо өндөр түвшний нээлттэй байдлыг дэмжих бодлого боловсруулахад нь Хятадын бодлого боловсруулагчид тусалсан гэж Ван онцлон тэмдэглэв.

Мөн Шанхайн олон нийтийн дипломат харилцааны нийгэмлэгийн ерөнхийлөгч Жоу Ханмин 2025 онд гадаадын хөрөнгө оруулалтыг татахтай холбоотой саналуудыг танилцуулна гэж мэдэгдсэн. Тэрбээр хэлэхдээ, "Дэлхийн эдийн засгийн тодорхойгүй байдал өсөн нэмэгдэж буй энэ цагт зөвхөн өндөр түвшний нээлттэй бодлого хэрэгжүүлж, үүнийг тууштай ахиулснаар бид ирээдүйгээ бататгаж чадна. Тиймээс бидний хийх ёстой зүйл бол дэлхийн эдийн засгийг чиглүүлэх юм. Тогтвортой, тууштай байж, давуу талыг нь ашиглах явдал юм" гэж хэллээ.

Хятадын улс төрийн намууд, намын харьяалалгүй гишүүн, ард түмний байгууллага, бүх үндэстэн ястны болон нийгмийн салбар бүрийг нэгтгэж, социалист ардчиллын үйл явцыг хянах, зөвлөх байгууллага болох "CPPCC"  нарийвчилсан судалгаа, зөвлөгөөний дараах санал хүсэлтийг хүлээн авч, өргөн мэдүүлэн үндэсний бодлогыг боловсруулахад тусалдаг аж.

Тухайлбал, янз бүрийн асуудлаарх олон нийтийн саналыг хүлээн авч, цаашид өргөн мэдүүлэх, зөвлөх үүрэг гүйцэтгэдэг. Тус хороо мөн 14 дэх удаагийн "NPC"-ын гурав дахь чуулганд санал өгөх эрхгүй гишүүдийг оролцуулж, засгийн газрын ажлыг тайлан, бичиг баримтуудыг нягтлуулсан.

Учир нь энэ онд 14 дүгээр таван жилийн төлөвлөгөө буюу 2021-2025 оныг хамарсан төлөвлөгөөг хэрэгжүүлэх сүүлийн жил тохиож байгаа тул "CPPCC"-ийн бүх гишүүн засгийн газрын ажлыг хянаж, туслалцаа үзүүлэх үүрэгтэй юм.

Харин "NPC"-ийн дээд чуулган Лхагва гаригт эхлэх бөгөөд эл үеэр 15 дугаар таван жил (2026-2030 он)-д хэрэгжүүлэх зөвлөмжийг боловсруулна. Ван Хунин хэлэхдээ, 14 дүгээр таван жилийг амжилттай дуусгаж, 2025 онд "CPPCC" Хятадын орчин үеийн хөгжлийг сайжруулахад анхаарах чухал мөч тул Хоёр чуулганы үеэр хамгийн чухал шийдвэрүүд гарна гэсэн юм.