Японы ханхүү Хисахито насанд хүрч буйгаа тохиолдуулан анхны хэвлэлийн бага хурлаа хийлээ. Энэ нь түүний хувьд эзэн хааны гэр бүлийн гишүүний үүргээ биелүүлж эхэлж буй үйлдэл юм. Хаан ширээг залгамжлах хоёр дахь ханхүү тэрбээр Даваа гаригт Токио дахь Акасака эдлэнд сэтгүүлчидтэй уулзжээ.

Гүнж Акишиногийн хүү Хисахито өнгөрсөн оны есдүгээр сард 18 нас хүрсэн.

Хэвлэлийн бага хурлын эхэнд тэрбээр ой хээрийн түймэрт нэрвэгдсэн хүмүүст эмгэнэл илэрхийлэв. Мөн өнгөрсөн оны эхний өдөр Ишикава мужийн Ното хойгт болсон газар хөдлөлт, есдүгээр сард орсон аадар бороо зэрэг байгалийн гамшигт хохирсон хүмүүст эмгэнэл илэрхийлжээ.

Тэрбээр олон нийтийн өмнө үүрэг хариуцлага хүлээж эхэлж байгаа ч гэлээ одоогоор сурч боловсрох үйлсээ нэн тэргүүнд тавих аж. Ханхүү энэ дөрөвдүгээр сараас Цүкүбагийн их сургуульд байгаль орчны чиглэлээр сурч эхэлнэ. Тэрбээр шавьж, тэр дундаа соно сонирхдог гэдгээ хуваалцжээ.