АНУ, Украины харилцаа илт доголдсон тул Норвегийн шатахуун нийлүүлэгч "Халтбак Бункерс" компани Вашингтоны тэнгисийн цэргийн хөлөг онгоцуудад түлш нийлүүлэхгүй гэж Баасан гаригт мэдэгджээ.

Тус компани фэйсбүүк хуудсандаа "АНУ ар нуруунаас хутга дүрсэн шоу нэвтрүүлэг хийсэн ч Украины ерөнхийлөгч өөрийгөө барьж, тайван байж чадсанд талархаж байна. Энэ үйл явдал бидний сэтгэлийг өвтгөлөө. Америкчуудад түлш нийлүүлэхгүй" гэсэн мэдэгдэл хийсэн юм. Гэхдээ сүүлд нь энэ мэдэгдлээ устгажээ. Компанийн гүйцэтгэх захирал Гуннар Гран мөн Норвегийн "VG" сонинд энэ шийдвэрээ баталжээ. Гэвч тогтсон гэрээгүй тул энэ шийдвэр нь бэлгэдлийн чанартай гэдгийг онцолсон байна.

Тэгвэл Норвегийн засгийн газрын зүгээс "Халтбак Бункерс"-ыг үгүйсгэсэн мэдэгдэл хийлээ. Тодруулбал, НАТО-гийн гишүүн Норвеги улсын Батлан ​​хамгаалахын сайд Торе Сандвик "Норвеги дахь АНУ-ын Тэнгисийн цэргийн хөлөг онгоцуудад түлш нийлүүлэх эсэх тухай мэдээллийг бид харсан. Энэ шийдвэр Норвегийн засгийн газрын бодлоготой нийцэхгүй байна. АНУ-ын хүчин Норвеги улсаас шаардлагатай хангамж, дэмжлэгийг үргэлжлүүлэн авах болно" гэжээ.