Японы Батлан ​​хамгаалах яам Хятадын “GJ-2” нисгэгчгүй нисэх онгоцыг анх удаа Японы ойролцоох агаарын орон зайгаас илрүүлсэн гэж мэдэгдлээ. Тус яамны мэдээлснээр, тагнуулын довтолгооны “GJ-2” нисгэгчгүй нисэх онгоц Лхагва гаригт Зүүн Хятадын тэнгис дээгүүр нисч, Окинавагийн гол арал болон Мияако арлын хооронд өнгөрч, улмаар Номхон далайг чиглэн явсан байна. Дараа нь нисгэгчгүй онгоц өмнөдөөс зүүн хойд зүгт чиглэлээ өөрчилж, Амами Ошима арлын зүүн хэсэгт хүрчихээд Хятад руу буцах замдаа оржээ.

Мөн тус яам Хятадын өөр нэг тагнуулын нисгэгчгүй онгоц үүнтэй ижил замаар нисч байгааг илрүүлсэн гэв.

Японы Агаарын өөрийгөө хамгаалах хүчин хариу арга хэмжээ болгож сөнөөгч онгоцуудаа нисгэжээ. Энэ мэтчилэн Японы эргэн тойронд Хятадын армийн үйл ажиллагаа нэмэгдэж буйг үргэлжлүүлэн хянаж байна.