Пап лам Францисын биеийн байдал маш хүнд хэвээр байгаа гэдгийг Ватиканы хэвлэлийн төлөөлөгч энэ долоо хоногт мэдээлсэн юм. Өмнө нь түүнийг уушгины хатгалгаатай болсон гэж эмнэлгийн зүгээс мэдэгдэж байсан бол одоо бөөрний өвчтэй хавсарсан болох нь тогтоогджээ. Улмаар дэлхий даяар католик шашинтай итгэгчид пап лам Францисыг хурдан тэнхрээvэй хэмээн залбирч, мөргөл үйлдэх болсон байна.

Тухайлбал, Ватиканы Гэгээн Петрийн талбайд хэдэн зуун хүн цугларч, түүний төлөө залбирах болжээ.  Түүнчлэн, Буэнос-Айрес хотын хамба лам Хорхе Гарсиа Куэрва пап ламын эрүүл мэндийн төлөөх цуглааныг удирдан явуулав. Учир нь Ромын пап Францис нь тус хотод төрсөн төдийгүй 1998 онд хамба лам нь байжээ.