Сар шинийн баярын өмнөх өдрүүдэд автозамын ачааллыг бууруулах үүднээс тэгш сондгой дугаарын хязгаарлалт мөрдүүлэхээр иргэдээс санал авч эхэлсэн. Улмаар санал асуулгад оролцсон нийт иргэдийн 68 хувь нь дэмжсэнээр энэ сарын 22-ноос тэгш, сондгой дугаарын хязгаарлалтаар зорчуулах шийдвэр гарсан.
Тодруулбал, энэ сарын 22, 24, 26-нд сондгой тоогоор төгссөн дугаартай машин хөдөлгөөнд оролцоно. Харин 23, 25, 27-нд тэгш дугаараар төгссөн машинууд замын хөдөлгөөнд оролцох юм.
Таван шараас Чулуун овооны уулзвар, хойд талаараа 32-ын уулзвараас Маршалын гүүр хүртэлх бүсчлэлийн хүрээнд хоёрдугаар сарын 27-ныг хүртэл 08:00-20:00 цаг хүртэл хязгаарлалттай зорчино.
Ойрын өдрүүдэд “Нарантуул”, “Хархорин”, “Барс-2”, “Сандэй-1, 2” зах, худалдааны төв рүү чиглэсэн гол гудамж замууд буюу Намянжүгийн гудамж, Их тойруу, Үндсэн хуулийн гудамж, Москвагийн гудамж, Нарны замын ачаалал эрс нэмэгдсэн. Хөдөлгөөний дундаж хурд 5 км/цаг болж, түгжрэлд ихээр нөлөөлж байгааг албаныхан хэллээ.
Тээврийн цагдаагийн албаны Урьдчилан сэргийлэх хэлтсийн дарга, цагдаагийн дэд хурандаа Д.Оюун, “Дугаарын хязгаарлалтад Гадаадын зочид төлөөлөгчдийн машин, хэвлэл, мэдээллийн таних тэмдэг бүхий тээврийн хэрэгсэл, сургууль цэцэрлэгийн багш, ажилчдын машин хамаарахгүй. Энэ нь багш, ажилчдыг тээвэрлэх үйл ажиллагаанд ашиглах тээврийн хэрэгсэл гэсэн үг юм. Түүнээс биш багш, ажилчид хувийн автомашинаараа зочрихгүй. Түүнчлэн түргэн, цагдаа, онцгойгийн машинд хязгаарлалт үйлчлэхгүй” гэж мэдэгдсэн.
Харин Тээврийн цагдаагийн албаны Урьдчилан сэргийлэх хэлтсийн ахлах мэргэжилтэн Г.Отгонтамир, “Нийслэлийн Засаг даргын гаргасан захирамжийн дагуу хоёрдугаар сарын 22-27-ний өдрийг хүртэлх хугацаанд зургаа хоног 08:00-20:00 цаг хүртэл хязгаарлалт хийх гэж байна. Өвлийн бүсчлэл хэвээрээ. Таван Шарын уулзвараас зүүн тийш Чулуун-Овооны уулзвар, хойшоо 32-ын уулзвар, урд хэсэг МИС -ийн уулзвар, 120 мянгатын уулзвар байгаа. Нэмэгдсэн нь МИС-ийн уулзвараас 19-ийн үйлчилгээний төвийн Дунд голын зам нэмэгдсэн.Мөн Махатма Гандийн гудамж, урагшаа И Мартын уулзвар хүртэлх зам нэмэгдсэн. Иргэд та бүхэн зургаа хоногийн хугацанд тэгш сондгой дугаарын хязгаарлалтаар хөдөлгөөнд оролцохдоо цагдаагийн албан хаагчийн тавьсан хууль ёсны шаардлагыг биелүүлж соёлтой оролцоорой. Түргэн тусламж, онцгой байдал, цагдаагийн байгууллагын тээврийн хэрэгслүүд иргэдийн амь нас, эрүүл мэндийг хамгаалахаар шуурхай үйлчлэх шаардлага байдаг тул эдгээр тээврийн хэрэгслүүдэд мөн зам тавьж өгөхийг хүсье” гэв.
Ташрамд дурдахад, өнгөрсөн гурван жилд тэгш, сондгойгоор хязгаарлан хөдөлгөөнд оролцуулахад замын ачаалал 32-44 хувиар буурч байжээ.
Нэргүй 2025-02-27 66.181.176.175
ANUSDI80955877VANXANDI SEKSEER
Нэргүй 2025-02-27 202.9.40.242
Нам төр хулгаылж хулгай шаасн х***а манж зулбасгуудыг үтт түргн дал ор2л. Даврцн түрүний бөөс зулбасгууд.