ХӨСҮТ-ИЙН ЗАХИРАЛ АСАНД ХОЛБОГДОХ ХЭРГИЙН ХУРАЛ ЗАВСАРЛАВ

НЭМЭЛТ:

ХӨСҮТ-ийн дарга асан Д.Нямхүү:

-Цар тахлын үед хил гааль хаалттай байсан учраас хуучин аппаратыг УОК-ын дарга, Шадар сайд асан Энхтүвшин, Эрүүл мэндийн сайд асан Д.Сарангэрэл, компанийн эзэн Бархүү нар хоорондоо тохиролцож, ХӨСҮТ-д ийм аппарат олж өгөх тухай ярьсан юм билээ. Би тэр үед мэдээгүй. Тэгээд над дээр ирсэн. Хүлээн авагчийн хувьд бэлэглэлийн аппарат өгөх гэж байгаа учраас татгалзах боломжгүй. Хүний амь насыг аврах чухал аппарат байсан.

ХӨСҮТ-ИЙН ДАРГА АСАН Д.НЯМХҮҮД ХОЛБОГДОХ ШҮҮХ ХУРАЛ ЭХЭЛЛЭЭ

Халдварт өвчин судлалын үндэсний төвийн захирал асан Д.Нямхүү нарт холбогдох хэргийн шүүх хурал 2024 оны арванхоёрдугаар сарын 6-нд болж шүүхээс цагаатгаж шийдвэрлэсэн. Гэтэл уг шүүхийн шийдвэрийг прокурор эсэргүүцэж нийслэлийн Давж заалдах шатны шүүхэд хандсан юм. Тэгвэл Нийслэлийн Эрүүгийн хэргийн давж заалдах шатны шүүх хоёрдугаар сарын 19-нд Д.Нямхүүд холбогдох хэргийг хэлэлцсэн. Улмаар шүүх хуралдаан прокурор ар гэрийн гачигдалтай гэх шалтгаанаар өнөөдөр буюу хоёрдугаар сарын 26-ны өдөр болж хойшилсон байдаг. Энэ дагуу шүүх хуралдааныг яг одоо үргэлжлүүлж байна.

Эргэн сануулахад, Прокурорын газраас Эрүүл мэндийн яамны харьяа Халдварт өвчин судлалын үндэсний төвийн захирлаар ажиллаж байсан Д.Нямхүү нь эрх мэдэл, албан тушаалын байдлаа урвуулан ашиглаж, бусдад давуу байдал бий болгосон гэх хэрэгт Эрүүгийн хуулийн 22.1 дүгээр зүйлийн 2 -т зааснаар яллах дүгнэлт үйлдэн Баянзүрх дүүргийн эрүүгийн хэргийн анхан шатны шүүхэд шилжүүлсэн байдаг.

Эрүүгийн хуулийн тусгай ангийн 22.1 дүгээр зүйлийн 2 дахь хэсэгт:

2.Нийтийн албан тушаалтан албан үүрэг, бүрэн эрх, албан тушаалын байдлаа урвуулан ашиглаж их хэмжээний хохирол учруулсан бол нийтийн албанд ажиллах эрхийг хоёр жилээс найман жил хүртэл хугацаагаар хасаж, хоёр жилээс найман жил хүртэл хугацаагаар хорих ял шийтгэнэ гэж заасан.