Хувьсгалч, огцорсон сайд, Зөвлөлтийн тэрс үзэлтнүүдийг хорьж байсан шоронгийн цогцолборыг Баасан гаригт дуудлага худалдаагаар зарсан байна. Шинэ эзнийх нь мэдэгдсэнээр уг шоронг зочид буудал, зоогийн газар, музей, урлагийн галерей болгох аж.

Большевик хувьсгалч Леон Троцкий, зохиолч Иосиф Бродский нар Санкт-Петербург хотын Крестийн шоронгийн цогцолборт хоригдож байсан Оросын алдартай хүмүүсийн нэг байдаг. Шоронгийн улаан тоосгон хана нь Нева мөрний эрэг дээрээс харагдах бөгөөд Крестийг эвдэрч сүйрсний дараа сэргээн босгож, түүхэн дурсгалт газар болгожээ.

Баасан гаригт болсон дуудлага худалдаагаар уг шоронг "KVS Development Group"-т 1.1 тэрбум рубль буюу 12.5 сая ам.доллараар худалдсан байна.

"KVS" мэдэгдэлдээ энэ цогцолборыг Санкт-Петербург хотын хамгийн том хот төлөвлөлтийн төслүүдийн нэг болгон хувиргана гэж мэдэгджээ. Мөн "Тус шорон түүхийг өгүүлэх музей, зочид буудлын цогцолбор, ресторан, галерей бүхий хүн бүрт нээлттэй олон нийтийн газар байх болно" гэсэн байна.

Крестийг 19-р зууны сүүлчээр шоронгийн журмаар ажиллуулж байжээ. Энэ нь 999 бие даасан камертай Европ дахь хамгийн том, хамгийн орчин үеийн ганцаарчилсан хорих байгууламж байхаар зохион бүтээгдсэн байдаг. 1917 оны Оросын хувьсгалаас өмнө  хоёрдугаар хувьсгалыг удирдаж байсан Александр Керенский, Лениний соёлын тэргүүний ажилтан болох Анатолий Луначарский, мөн Троцкий зэрэг Хаант улсын алдартнуудыг хорьж байв.