Лос-Анжелес хотын дарга Карен Басс өнгөрсөн нэгдүгээр сард гарч их хэмжээний хохирол учруулсан ой хээрийн түймрийг унтраах даалгавартай холбогдуулан тус хотын гал түймэртэй тэмцэх албаны даргыг ажлаас нь чөлөөлжээ. Гал түймэртэй тэмцэх газрын дарга Кристин Кроулиг албан тушаалаас нь огцруулсныг хотын дарга Басс Баасан гаригт хийсэн хэвлэлийн бага хурал дээр зарлав.

Хотын дарга мэдэгдэхдээ, Кроули гал гарсан өглөө үүрэг гүйцэтгэж байсан 1000 гал сөнөөгчийг хангалттай сайн дайчилж чадаагүй гэж мэдэгджээ. Мөн Гал түймэртэй тэмцэх комиссын хүсэлтээр ой хээрийн түймрийн талаар үйл ажиллагааны дараах тайлан гаргахаас Кроули татгалзсан байна. Тэрбээр түймэр гарсны дараахан телевизийн ярилцлагад хэлэхдээ, албан хаагчийн орон тоо дутуу, санхүүжүүлээгүйн улмаас ой хэрийн түймэртэй тэмцэхэд хэцүү байна гэж хотын даргыг шууд шүүмжилсэн байна.

Лос-Анжелес хотын захад нэгдүгээр сарын 7-нд гарсан ой хээрийн түймрийн улмаас 29 хүн амиа алдаж, 200 гаруй хавтгай дөрвөлжин километр талбай шатаж, 18 мянга гаруй барилга байгууламж эвдэрсэн байдаг.