АНУ-ын ерөнхийлөгч Дональд Трамп Баасан гаригт мэдэгдэл гаргахдаа, АНУ болон Украины газрын ховор элементийн ашигт малтмалын гэрээ байгуулагдахад тун ойрхон байгаа гэдгийг онцолжээ. Цагаан ордны өндөр албан тушаалтан мөн уг гэрээ "бараг л" байгуулагдсан гэж Трампийн мэдэгдлийг баталгаажуулсан байна. Үүнээс өмнө, Украины ерөнхийлөгч Володимир Зеленский хэлэхдээ АНУ-тай шударга гэрээ байгуулахыг хүсч байна гэсэн юм.

Учир нь АНУ-д нийт ховор элементийн 50 хувиа ямар ч батлан хамгаалах тусламж эргүүлэн өгөх нь баталгаагүй үед өгөх хүсэлгүй байна гэж тэрбээр тайлбарласан.

Тус хоёр улсын харилцаа сүүлийн үед хурцадмал байсан ч сүүлийн 24 цагт эрс сайжирч, яриа хэлэлцээ эрчимтэй үргэлжилж байна гэж Цагаан ордоос мэдэгдсэн юм. Гэсэн хэдий ч ашигт малтмалын гэрээ хэрхэн, яаж, хэзээ байгуулагдах нь одоог хүртэл тодорхойгүй байна.

Сүүлийн 24 цагт харилцаа хэрхэн сайжирсан талаар Цагаан ордноос орон нутгийн хэвлэл тодруулахад, АНУ-ын тусгай элч Кит Келлогг Киевт Украины дээд удирдлага, тэр дундаа Зеленскийтэй уулзсан байна. Айлчлалынхаа үеэр Келлогг ерөнхийлөгч Зеленскийг “дайчин, зоригтой удирдагч” гэж магтан сайшаасан аж. Энэ нь Трампийн Зеленскийг тодорхойлсноос эрс ялгаатай.

Келлогт мөн шархадсан цэргүүдтэй уулзаж, Украины Оросын түрэмгийллийн эсрэг тэмцэж буй гол фронтод очсон гэж Келлоггтой хамт тус улсад очсон Нью-Йорк Пост сонины сурвалжлагч мэдээлэв.

Гэсэн хэдий ч Трампийн Зеленскийг гэх хандлага сөрөг хэвээр байна. Трамп “Fox News” радиод өгсөн ярилцлагадаа Зеленскийг ямар ч төлөвлөгөөгүй бөгөөд хэлэлцээнд оролцох хэмжээний чухал хүн биш гэж мэдэгдсэн байна. Мөн Оросын ерөнхийлөгч Владимир Путин хэрэв хүсвэл Украиныг бүхэлд нь булаан авах боломжтой гэдгийг анхааруулсан байна.

 Украины дайнд Орос буруутай юу гэсэн асуултуудыг удаа дараа Трамп үл тоомсорлож, эцэст нь "Орос дайрсан" гэж хүлээн зөвшөөрч, Байдены засаг захиргаа болон Зеленскийг буруутгасаар байв. Оросын дэд сайд асан "CNN"-д ярилцлага өгөхдөө, Украин дахь дайныг зогсоохын тулд Трамп Оросын ерөнхийлөгчид хэр хурдан буулт хийхийг Кремль хүлээж байгаа бололтой. Трамп мөн Францын ерөнхийлөгч Эммануэль Макрон, Их Британийн ерөнхий сайд Кейр Стармер нар Украин дахь дайныг зогсоохын тулд юу ч хийгээгүй гэж мэдэгджээ.

Дашрамд, Ерөнхийлөгч Макроны хувьд Даваа гаригт Трамптай уулзахаар төлөвлөж байгаа бол Стармер Пүрэв гаригт уулзана гэж "CNN" мэдээлэв. Польшийн ерөнхийлөгч Анжей Дудатай Трамп маргааш уулзах төлөвтэй байна.