Нэрт загварын ордон Gucci-гийн маркетингийн баг 18 сарын хугацаанд ажилласны үр дүнд онлайн дэлгүүрийнхээ шинэчилсэн хувилбарыг танилцууллаа. Шинэ хувилбар нь бүтээгдэхүүн бүрийг томруулж харах, хурдан шилжилт хийх боломжтой,  бараа бүтээгдэхүүнийг илүү нарийвчлан ангилсан, ижил төстэй бүтээгдэхүүнүүдийг нэг дор харах зэрэг олон боломжийг бий болгосноороо давуутай гэнэ.
Дэлхийн санхүүгийн хямралаас үүдэн, тансаг зэрэглэлийн бүтээгдэхүүн үйлдвэрлэгч томоохон брэндүүд алдагдал хүлээгээд байгаа ба Gucci энэхүү хямралаас хохирол багатай гарахын тулд зах зээлд нарийн судалгаа хийж, хэрэглэгчдийн сонирхолд нийцэхүйц үйлчилгээ санал болгохоор шаргуу ажиллаж байгаа юм. Тэдний энэхүү ажлын нэг болох шинэ өнгө төрх бүхий онлайн дэлгүүр ийнхүү үүд хаалгаа нээлээ.

Н.Наран