НЭМЭЛТ:

Монголын шигшээ баг 74-63 гэсэн харьцаатайгаар хожиж, дараагийн шатанд шалгарах боломжоо хадгалж үлдлээ. Одоо Монголын шигшээ баг Улаанбаатар хотноо хоёрдугаар сарын 23-ний өдөр Японы шигшээ багийг хүлээн авч тоглоно. Тухайн тоглолтод хожих эсвэл цөөхөн онооны зөрүүдтэй хожигдвол дараагийн шатанд шалгарах боломжоо хадгална.

Монголын сагсан бөмбөгийн шигшээ баг энэ оны Азийн аваргад оролцох эсэхээ шийдэх тун чухал тоглолтыг Гуамын эсрэг талбайд нь өнөөдөр/2025.02.20/ хийж байна. Тоглолтын эхний хагаст 39:31 гэсэн харьцаатай Монголын шигшээ багийн давуутай өндөрлөлөө. Тоглолтын эхлэлийг хашир туршлагатай Б.Билгүүн сайн тавьж, залуусаа манлайлав. Мөн будагтай талбайгаа сайн манаж, хамгаалалт тун сайн байна.

Монголын шигшээ баг тэднийг 12 болон түүнээс дээш оноогоор хожиж чадвал Азийн аваргад оролцох боломжоо хадгална. Өөрөөр хэлбэл, эрхийн төлөө нэмэлт тоглолтыг өөр хэсгийн гуравдугаар байрт орсон багтай хийнэ.