АНУ-ын ерөнхийлөгч Дональд Трамп Украины ерөнхийлөгч Володимир Зеленскийг дарангуйлагч гэж өөрийн "Truth Social" платформ дээрээ буруутгасан байна. Мөн Зеленскийг санаатайгаар Орос-Украины дайныг өдөөсөн гэжээ. Үүнээс өмнө Зеленскийн түүнийг Оросын ташаа мэдээллийг тараасан, давтсан гэж буруутгасан юм. Тодруулбал, Мягмар гаригт өгсөн ярилцлагынхаа үеэр Зелеснкий Трампийн хэлсэн хэд хэдэн мэдэгдлийг няцааж, АНУ-ын тусламж Украинд хэрэгтэй байгаа гэх байр сууриа дахин илэрхийлжээ.

Трамп дайныг аль болох хурдан дуусгахыг хүсч буйгаа удаа дараа мэдэгдсэн байдаг. Үүний тулд Укрианы газар нутгаас алдагдсан байсан ч хамаагүй ямар нэгэн аргаар дуусгана гэдгээ мөн илэрхийлж байжээ. Гэхдээ Зеленский түүнийг буруутгаж буй нэг шалтгаан нь Трамп НАТО-г Кремлийн адил буруутгаж буй явдал юм. Мөн Трамп өнгөрсөн долоо хоногт Орос, АНУ-ын төлөөлөгчид уулзана гэж мэдэгдэхээсээ өмнө Зеленский бус Путинтэй утсаар холбогдсон нь олон нийтийн гайхширлыг төрүүлжээ.

Энэ долоо хоногийн Мягмар гаригт Саудын Арабын нийслэл Рияд АНУ болон Оросын төлөөлөгчид хэлэлцээ хийсэн. Путин уг хэлэлцээг сайшааж, найрсаг харилцааг бий болгож чадсан гэж найдаж байна. Төлөөлөгчид дайныг зогсоож, дипломат харилцаа тогтоох дараагийн шатны хэлэлцээг ойрын хугацаанд зохион байгуулна гэж мэдэгдсэн боловч Зеленскийг дахин урихгүй байх магадлал өндөр байна. Энэ мэт шалтгаанаас үүдэн Зеленский ерөнхийлөгч Трампийг буруутгасан гэж ажиглагчид үзжээ.  АНУ өнгөрсөн гурван жилийн хугацаанд Украины хамгийн том дэмжлэг үзүүлэгч нь байсан. Гэсэн хэдий ч Трампийн засаг захиргаа Байдены үе шиг Украинд их хэмжээний тусламж илгээхгүй гэж мэдэгдсэн байдаг. Хэрэв АНУ-аас дэмжлэг авахыг хүсч байвал Украины зүгээс 17 төрлийн байгалийн хүнд металлын олборлолтынхоо 50 хувийг хариу болгон өгөх саналыг Трамп лэвшүүлсэн бөгөөд үүнийг Зеленский таатай хүлээн аваагүй юм.