“The MongolZ” баг шинэ улирлаа амжилт дүүрэн эхлүүлж, “CS2”-ийн томоохон тэмцээнүүдийн плей-оффын шатанд дараалан шалгарлаа. Энэ удаад тус баг өнгөрсөн жилийн Шанхайн Мэйжорын амжилтаа ахиулж чадав.

Азийн хамгийн шилдэг “CS2”-ийн багийн тухайд одоогийн бүрэлдэхүүнээрээ эхний улирлаа гайхалтай өнгөрүүлсэн.

“1xBet”-ийн ивээн тэтгэдэг тус баг нь хэд хэдэн томоохон тэмцээнд түрүүлсэний дотор “YaLLa Compass 2024”, “Thunderpick World Championship 2024” зэрэг багтана. Өнгөрсөн намрын байдлаар тус багийн тэмцээний шагналын нийт орлого нь 1 сая ам.доллар давсан бөгөөд “Valve”-ийн дэлхийн чансааны гуравдугаарт бичигдэж эхэлсэн.

“The MongolZ” баг Мэйжорт хоёр удаа шалгарч, 2024 оны “PGL Major Copenhagen” тэмцээний хасагдах шатанд, Шанхайн Мэйжорын плей-оффын шатанд тус тус өрсөлдсөн түүхтэй.

Өнгөрсөн улирлын амралтаар тус баг бүрэлдэхүүнээ хадгалж үлдэж чадсан. Гэхдээ харамсалтай нь “Senzu” буюу М.Азбаярын гарны бэртлийн улмаас “1xBet”-ийн ивээн тэтгэдэг “The MongolZ” баг энэ оны эхний тэмцээн болох “BLAST Bounty Spring 2025” тэмцээнийг өнжиж, хэсэг хугацаанд амарсан нь сайн зүйл болсон гэж үзэж байна.

IEM Katowice 2025 Valve-ийн чансааны гуравдугаар байрт бичигдсэнээр “The MongolZ” баг шууд урилгатай шилдэг найман багийн нэгээр шалгарч, тэмцээнийг хэсгийн шатнаас эхлүүлсэн.

Тэмцээний эхний тоглолт болох “Team Liquid” багийн эсрэг тоглолтод “The MongolZ” өрсөлдөгчийнхөө сонгосон Nuke мап дээр 10-13 харьцаагаар хожигдсон ч, дараагийн Mirage (13-8) болон Ancient (13-11) дараалан төвөггүй ялалт байгуулжээ. Үүний дараа “GamerLegion” багийг хожихын тулд “The MongolZ”-д ердөө хоёр мап хангалттай байж, Nuke (13-10), Mirage (13-5) дээр ялсан. Цааш хэсгийн аваргын төлөө “NaVi”-тай учраа таарсан бөгөөд Украины багийн туршлага, тоглолтын хэв маяг “The MongolZ” багт хичээл болсон. “NaVi” өөрсдийн мап болох Mirage дээр 13-3 гэсэн харьцаатай бут ниргэсэн.

Гэхдээ “The MongolZ” баг Ancient дээр сайн тоглосон ч эцсийн дүндээ 9-13 гэсэн харьцаатай “NaVi” хожсон юм. Азаар хасагдах тоглолт биш байсан учир “The MongolZ” дараалан хоёр удаагаа том тэмцээний плей-оффт шалгарч чадсан.

Ширүүн өрсөлдөөнтэй шөвгийн наймд “The MongolZ” баг сүүлийн үед олны анхаарлыг татаж буй “Eternal Fire” багтай тоглосон.Туркийн баг ч сайн байгаагаа харуулж, Team Falcons (2-0) болон FaZe Clan (2-0) багуудыг төвөггүй ялсан гэхэд хилсдэхгүй. Энэ ч утгаараа тоглолт улам сонирхолтой болсон. “The MongolZ” ч амаргүй өрсөлдөгчтэй учраа таарсан гэдгээ мэдэж байлаа. Гэсэн хэдий ч “The MongolZ” өрсөлдөгчийнхөө сонгосон Anubis дээр 13-7 гэсэн харьцаатайгаар төвөггүй ялалт байгуулсан.

Удаах Mirage мап дээр ч илүү байсан боловч тэргүүллээ алдсанаар нэмэлт цагт хожсон. Ийнхүү шөвгийн дөрвөн баг тодорч, “IEM Katowice 2025”-ийн хагас шигшээ тоглолтууд “Spodek Arena”-д дүүрэн үзэгчтэйгээр явагдав.

Team Vitality-ийн эсрэг The MongolZ болон Natus Vincere-ийн эсрэг Team Spirit гэсэн учраа үзэгчдийг хүлээж байлаа. Team Vitality бүрэлдэхүүндээ өөрчлөлт хийсэн ч форм тун өндөр байсан. Тэд “Spinx” буюу Лотан Гиладиг явуулж, оронд нь “ropz” буюу Робин Кулийг авчирсан юм. Францын баг хагас шигшээд хүртэлх бүх тоглолтдоо хожсон байсан бөгөөд тэмцээний гол фаворит гэдгээ харуулсан гэхэд болно. Mirage дээр тэд 13-7, Nuke дээр 13-9 гэж дараалан ялж, финалд шалгарсан. Хэн ч The MongolZ-ийг тааруу байсан гэж ярьсангүй.

Харин Vitality-ийг ямар хүчирхэг болсоныг ярьж байлаа гэж “1xBet Mongolia”-ийн мэргэжилтнүүд хэлж онцолсон. Team Vitality финалын тоглолтод Team Spirit багт ямар ч боломж олголгүй, 3-0 (13-6 Dust2, 13-5 Nuke, 13-11 Mirage) харьцаатай ялж, IEM Katowice 2025-ийн аварга болсон билээ. NAVI-г хожсон, аваргаа хамгаалагч Team Spirit багийг дахин түрүүлэх байх гэж олон хүн бодсон ч Vitality багийн эсрэг юу ч хийж чадсангүй. “The MongolZ” шинэ улирлаа амжилт дүүрэн эхлүүллээ. Тэд “IEM Katowice 2025” тэмцээнийхээ бараг бүх тоглолтуудад ялж, гагцхүү “NaVi”-ийн домгуудад болон аварга болсон “Team Vitality”-д л хожигдов. Эцэст нь “The MongolZ” баг 3-4 дүгээр байрт NaVi-ийн хамтаар шалгарч, 108 мянган ам.долларыг хүртсэн. Энэхүү мөнгөн дүнгээс 80 мянган ам.доллар нь тамирчдад очих бол 28 мянган ам.доллар багт нь очно. “1xBet Mongolia”-ийн зүгээс ч хамтрагчдаа илүү өндөр амжилт гаргана гэдэгт итгэж, энэ жил олон гайхалтай амжилт гаргахыг хүсэн ерөөж байна.

Т.АМИР