-Би хамгийн түрүүнд морины уралдааны талаар нийгэмд маргаан их гарч байгаа учраас төрт ёсны уламжлал болсон хүүхдийн гийнгоотой монгол морины уралдааныг хадгалж явахыг дэмждэг. Би хэт холын зайны 1000 км зайны өртөөчилсөн морин уралдааны гуравдугаар болон тэргүүн байрын шагналтай. Би үндэсний өв соёлоо тээсэн морио унадаг унаач хүн. Би 2000 км мориор уралдаж амжилт гаргасан. Бас "Хан монгол" морин циркийн морьтны холбоондоо морьт харваач мэргэжлээр хамтран ажиллаж байна. Өнөөдөр би ойрын зайн уралдааны асуудлаар ярихаар ирлээ. Энэ мэргэжил өв соёл талаасаа ч, мэргэжил гэдэг утгаараа нийгэмд хэрэгтэй юм. Монголын морин тойруулга ойрын зайн уралдааны арга техникийг нутагшуулахаар БНСУ-аас сургагч багш авч ирж, өөрсдийн хэмжээнд сурсан анхны төгсөгч нь би. Өнгөрсөн 2022 онд анхны уралдаанаа зохион байгуулсан. Миний зүгээс шинэ цагийн адуу үржүүлж байгаа уяач, зүтгэлтнүүд олон байгаа. Тиймээс энэ хүмүүс холбоотойгоо хамтран ажиллаж, олон улсын уралдаанаа идэвхтэй зохион байгуулахыг уриалж байна.