-2022 оны аравдугаар сард Засгийн газраас баталсан Допингийн эсрэг үндэсний нийтээр дагаж мөрдөх дүрмээр үндэсний бөхийн допингийн шинжилгээг их тодорхой болгосон. Үндэсний бөхөөс МОНАДА, МҮБХ, Үндэсний их баяр наадам зохион байгуулах хороо гэсэн газар шинжилгээ авах эрхтэй. Шинжилгээг хэн санаачлана тэр нь үр дүнгийн удирдлага буюу шийтгэл оноох эсэхээ хариуцдаг. Энэ оноос эхлэн үндэсний бөхийн тамирчдаас явцын шинжилгээг манайх хариуцаж авдаг болсон. Өмнө нь МҮБХ санаачлаад манайх шинжилгээг нь авч, үр дүнг нь холбоонд дамжуулдаг байсан юм. Улсын арслан М.Бадарчийн шийдвэрийн Үндэсний их баяр наадмын комиссоос гаргаж, хязгаарласан.

Харин улсын арслан Э.Оюунболдын хувьд МҮБХ нь 2023 онд шинжилгээ авахаар манайд хандсан бөгөөд, манайх олон улсын дүрэм журмын дагуу сорьц цуглуулж, ВАДА-н итгэмжлэгдсэн лаборатори руу явуулж үр дүнг нь буцаан холбоонд нь мэдэгдсэн.

-Энэ онд Монголын Үндэсний допингийн эсрэг байгууллагагын санаачлагаар үндэсний бөхийн тамирчдаас нийт 150 шинжилгээ авахаар төлөвлөөд ажиллаж байна. Энэ ажлын хүрээнд өнөөдрийн байдлаар 66 сорьц цуглуулан ажилласан. Сорьцыг авсан өдрөө DHL буухиа шуудангаар Герман улсын Дрезден хотын лаборатори руу явуулж байгаа бөгөөд хариу дунджаар 14-21 хоногт ирж байгаа. Хариуг ирсэн дариуд нь тухайн тамирчдын шууд электрон хэлбэрээр танилцуулна.

Мөн МҮБХ тэмцээний үеийн 40 орчим шээс болон цусны шинжилгээг цагаан сарын барилдаанд болон энэ оны дөрөвдүгээр улирлын барилдаануудад авахаар төлөвлөсөн байгаа.

Харин Үндэсний их баяр наадам зохион байгуулах хороо улсын их баяр наадмаар 32 шинжилгээ, аймгийн чанартай наадмууд буюу 21 аймаг дээр нэмээд Багануур, Багахангай, Налайхын наадамд нийт 96 шинжилгээ авна. Үүний хажуугаар допингийн эсрэг сургалт хийхээр төлөвлөсөн.