Монголын бодибилдинг фитнессийн хөгжлийн холбооноос өнгөрсөн Бямба гариг /2025.02.15/ -т нэр бүхий дөрвөн тамирчнаас допинг илэрснийг зарласан юм. Тэгвэл энэхүү мэдээлэлтэй холбогдуулж фитнессийн модель, Монгол Улсын гавьяат тамирчин Б.Сугарсүрэн өнөөдөр /2025.02.17/ мэдээлэл хийлээ.

Тэрбээр “Амралтын өдөр манай Монголын бодибилдинг фитнессийн  хөгжлийн холбоооноос намайг допингийн шинжилгээндээ уналаа гэж мэдээллээ. Энэ шинжилгээг намайг Азийн аваргын тэмцээнд оролцож байхад долдугаар сарын 9-нд хүрч ирж авсан. Тэр цагаас хойш би допингийн шинжилгээний хариу ирсэн үү гэдгийг тодруулахад өгөөгүй. Допингийн шинжилгээний газраас мэдэгдэл ирүүлээгүй учраас би өөрийгөө цэвэр л гэж бодож явсан.

Хоёрт, Допингийн холбооноос шинжилгээнд бүдэрсэн тухай албан бичиг ирүүлсэн бол түүнийгээ яагаад эхлээд танилцуулж, Б сорьцын шинжилгээ авах боломжийг олгоогүй юм бэ.

Энэ бол зориудаар нэр хүндэд халдсан, гутаах гэсэн оролдлого гэж үзэж байна.

Гуравт, Монголын бодибилдинг фитнессийн хөгжлийн холбоо нь ганц хүний тоглолтоор явдаг холбоо болсон. Өөрийнхөө дөрвөн шавиар холбооны нарийн бичгийн дарга, дасгалжуулагч, гадаад хариуцсан менежер хийлгэдэг. Ганцаарханаа би шударга ёсны төлөө явахаар дардаг. Дэлхийн аваргад оролцоод дэлхийн аварга тамирчин болчихоор өөрийнхөө нэрийг цэвэрлэхийн тулд “Б.Сугарсүрэн допингтой” гэж зарлалаа. Намайг өмнө нь дараад тэмцээнд оруулахгүй гэхэд нь би орж, дэлхийн аварга болсон.

Би бас айж байна. Намайг өчигдөр Live хийсний дараа Ш.Амарсайхан ерөнхийлөгч гар хөлөө залгуулж байна. “Но”-той юм ярьсан учраас тохирох гээд байгаа юм уу, мэдэхгүй.

Монголын бодибилдинг фитнессийн хөгжлийн холбоо нь нэг хүний тоглолтоор явдаг, маш их мөнгө угаадаг. Азийн аварга шалгаруулах тэмцээнийг өнгөрсөн жил Монгол Улсад зохион байгуулахад төсвөөс 830 сая төгрөг гаргуулсан гэж би тухайн үед мэдээлэл авч байсан. Мөн холбоо гадаадаас маш их санхүүжилт авдаг. Гурван жил санхүүжилт авсан. Шилэн дансаар авсан санхүүжилтээ танлцуулдаггүй. Тийм учраас холбооны санхүүд олон улсын аудит, мөн Авлигатай тэмцэх газрынхнаар шалгуулмаар байна.

Монголын бодибилдинг фитнессийн хөгжлийн холбоогоо шинэчилье залуусаа” гэж уриалах байна гэлээ.

Г.ХОРОЛ