“Монголын хөрөнгийн бирж” ХК-ийн Төлөөлөн удирдах зөвлөл энэ сарын 14-нд хуралдаж,   2024 оны жилийн эцсийн аудитын өмнөх санхүүгийн тайлангийн татварын дараах цэвэр ашгаас нэгж хувьцаанд 47 төгрөгөөр тооцож ногдол ашиг хуваарилахаар шийдвэрлэжээ.

Ногдол ашиг авах эрхтэй хувьцаа эзэмшигчдийн нэрсийн жагсаалт гаргах бүртгэлийн өдрийг хувьцаа эзэмшигчдийн ээлжит хурлын бүртгэлийн өдрөөр тогтоон, 2025 оны дөрөвдүгээр сарын 30-ны өдрөөс өмнө “Үнэт цаасны төвлөрсөн хадгаламжийн төв” ХХК-иар дамжуулж ногдол ашгийг хувьцаа эзэмшигчдэд олгох аж.

Сануулахад, МХБ нь 2022 оны арванхоёрдугаар сард Монгол Улсын Засгийн газрын шийдвэрээр төрийн өмчит хувьцаат компаниудын хувьчлалын дагуу нийт хувьцааныхаа 34 хувийг олон нийтэд санал болгож, хувьцаат компанийн хэлбэрт шилжсэн юм.

Г.ХОРОЛ