Өмнөд Солонгосын ерөнхийлөгч Юн Сук Ёлыг огцруулах эсэхийг шийдэх шүүх хурал өнгөрч буй долоо хоногт эцсийн шатандаа орсон. Үндсэн хуулийн цэцийн долоо, найм дахь удаагийн хуралдаан энэ долоо хоногийн Мягмар, Пүрэв гаригт тус тус боллоо.

Ерөнхий сайд Хан Дак Сү, Батлан ​​хамгаалахын Сөрөх тагнуулын командлалын офицер Ли Кён Мин нар мэдүүлэг өгч амжаагүй байгаа тул тэднийг дуудаж, мэдүүлэг өгөхийн тулд дор хаяж хоёр сонсгол нэмж товлож магадгүй гэсэн таамаг байсан. Тэгвэл таамаг ёсоор болж, Хан Дак Сүгээс мэдүүлэг авахын тулд дахин нэг сонсгол товложээ.

Пүрэв гаригт товлогдсон сонсголд Хан Дак Сүгээс гадна Үндэсний тагнуулын газрын тэргүүн дэд дарга асан Хонг Жан Вон, Үндэсний цагдаагийн газрын ерөнхий комиссар Чо Жи Хо нар гэрчийн мэдүүлэг өгнө.

Шүүх өмнө нь Хан Дак Сүгээс мэдүүлэг авах шаардлагагүй гэж үзэж байсан. Гэвч өмгөөлөгчид арванхоёрдугаар сарын 3-ны өдрийн нөхцөл байдал, шалтгааныг Хан хамгийн сайн ойлгоно гэж үзэж, хүсэлт гаргажээ.