Мэргэжлийн боксын WBA холбооны Төв Азийн аваргын бүсийн төлөөх “Night of Champions, Ulaanbaatar-2025” тэмцээний жин үзлэг болон хэвлэлийн хурал Баянгол ресторанд өнөөдөр \2025.2.14\ болж тамирчид жиндээ амжилттай орлоо.

Монгол Улсад анх удаа болж байгаа энэхүү тэмцээн Аса арена-д маргааш болно. Уг тэмцээнд нийтдээ гадаад дотоодын 14 тамирчин оролцох юм. Мөн энэ тэмцээнд "Lil BATO" болон "CHOIDOG" нар тулалдах бөгөөд энэ нь Монголд анх удаагаа олны танил эрхмүүд тулаанд орж байгаа тохиолдол аж.

Энэ өдрийн оргил тулаан МУГТ Э.Цэндбаатар болон Педрo Бернал хоёрын хооронд өрнөх болно. Харин үзэгчдийн хүсэн хүлээх тулаан бол МУГТ Н.Төгсцогт  болон филиппин боксчин Марк Энтони байна. Н.Төгсцогт мэргэжлийн бокст 23 ялалтыг байгуулсан, Азийн боксын холбооны дунд жингийн аваргаар тодорч байсан туршлагатай тамирчинтай нүүр тулахаар болжээ. Тэмцээний талаар Н.Төгсцогт “Жиндээ амжилттай орлоо. Маргаашийн тулаанд бэлэн байна. Сүүлийн 14 хоногт өрсөлдөгчөө тодорхой хэмжээнд судлахдаа ганц хоёр тулааныг нь үзээд амжсан” гэв.