АНУ-ын ерөнхийлөгч Дональд Трамп Пүрэв гаригт "харилцан тариф" тогтоох тушаалд гарын үсэг зурлаа. Тодруулбал, АНУ-ын бараа бүтээгдэхүүнд бусад улс, орны тогтоосон тарифтай ижил татварын нэмэгдэл тарифыг хариу арга хэмжээ болгон тогтоох болжээ.

Трамп хоёр дахь бүрэн эрхийн хугацаандаа Канад, Мексик болон Хятадын бараа бүтээгдэхүүнд 25 хувийн нэмэгдэл татвар ногдуулсан төдийгүй дэлхийн бүх улс орны ханган цагаан, гангийн импортол татварын нэмэгдэл ногдуулах болсон.

Улмаар тухайн орнууд хариу арга хэмжээ авч АНУ-ын импортод нэмэлт татвар ногдуулах болсон байна. Трамп уг тушаалд гарын үсэг зурсныхаа дараа мэдэгдэхдээ, "Тэд хэдийг ногдуулна, бид ч ялгаагүй. Тиймээс хэн ч гомдохгүй" гэсэн байна. Мөн "Олон жилийн турш АНУ-д түнш, дайсан байсан ч хамаагүй гударга бус хандаж ирсэн. Одоо энэ бүх зүйл дуусгавар болж, шударга бус худалдааны тогтолцоог эн тэнцүү болгоно" гэжээ. Үнийн тарифыг цаг тухай бүрт нь тогтоох бөгөөд дөрөвдүгээр сарын эхээр шийдвэр гаргана.

Хэрэв татварын дарамтаас салахыг хүсч байвал бусад улс орон АНУ-д тавих татварын хэмжээгээ бууруулах эсвэл ямар ч татваргүй болгох алхам хийхийг Трамп зөвлөсөн байна.