Өнөөдөр нутгийн өмнөд хэсгээр үүлэрхэг. Баруун болон төвийн нутгийн өмнөд хэсэг, говийн нутгийн зарим газраар бороо орно. Салхи нутгийн зүүн хагаст зүүн өмнөөс, бусад нутгаар баруун хойноос секундэд 5-10 метр, говийн нутгийн зарим газраар секундэд 12-14 метр хүрч ширүүснэ.  Алтай, Хангай, Хөвсгөлийн уулархаг нутгаар 9-14 градус, говийн нутгийн зүүн хэсэг, Дарьгангын тал нутгаар 23-28 градус, бусад нутгаар 17-22 градус дулаан байна. Улаанбаатарт үүлшинэ. Бороо орохгүй. Салхи  зүүн өмнөөс секундэд 5-10 метр. 20-22 градус дулаан байна.
 Харин маргааш  говийн ихэнх нутаг, төв болон зүүн зүгийн нутгийн зарим газраар, 9-нд говийн нутгийн зүүн, зүүн зүгийн нутгийн зарим газраар, 10-нд баруун болон төвийн нутаг,11-нд төв болон зүүн зүгийн нутгийн хойд хэсгээр, 12-нд баруун зүгийн нутгийн баруун хэсгээр бороо орно. Салхи 9,10-нд нутгийн хойд хэсгээр, 12-нд Алтайн салбар уулсаар секундэд 12-14 метр хүртэл ширүүснэ. Нутгийн өмнөд хэсгээр сэрүүвтэр байх боловч, 8-наас нутгийн баруун хэсгээр цаашдаа ихэнх нутгаар дулаарч Алтай, Хангай, Хөвсгөлийн уулархаг нутгаар шөнөдөө 1-6 градус, өдөртөө 14-19 градус, Говь,талын нутгаар шөнөдөө 9-14 градус, өдөртөө 25-30 градус, бусад нутгаар шөнөдөө 6-11 градус,  өдөртөө 19-24 градус дулаан байна” гэж Ус цаг уурын хүрээлэнгээс мэдээллээ.

Б.Анхаа