Korean Air компани анхны A350-900 (HL8598) онгоцоо Японы Инчеон-Осака чиглэлд өдөрт 2 удаа нисгэхээр боллоо. Цаашид (HL8597) өдөр бүр энэ чиглэлд Инчеоноос Японы Фүкүока руу KE789 дугаартайгаар хоёр талдаа нислэг үйлдэх болно.

A350-900 нь зорчигчдод тав тухтай, ая тухтай аялах боломжийг олгодог шинэ үеийн нисэх онгоц юм. Байгальд ээлтэй, өндөр үр ашигтай, нүүрстөрөгч бага ялгаруулдагаараа ижил төрлийн загвартай харьцуулахад түлшний хэмнэлттэй нисэх онгоц болохын хувьд Korean Air компанийн ESG менежментийн бодлогыг хэрэгжүүлэхэд хувь нэмэр оруулна гэж үзэж байна.

Korean Air компани сүүлийн үед зорчигчдын нэмэгдэж буй эрэлтэд идэвхтэй хариу арга хэмжээ авч,  Asiana Airlines-тай нэгдэх бэлтгэлийг хангах зорилгоор  дунд болон том оврын A350-900 онгоцыг нэвтрүүлэхээр болж байгаа юм. Эхний ээлжинд А350-900 онгоцыг Япон зэрэг олон улсын богино зайн чиглэлд нэвтрүүлж, цаашдаа энэ оны сүүлийн хагаст Испанийн Мадрид, Италийн Ром зэрэг олон улсын холын замд нисгэхээр төлөвлөж байна.

A350-900 нь Airbus-ын хамгийн сүүлийн үеийн технологи бүхий дунд болон урт зайн тусгалт өргөн биетэй нисэх онгоц юм. Өргөн биетэй онгоц гэдэг нь дотроо хоёр ба түүнээс дээш коридортой дунд болон том оврын онгоцыг хэлнэ. Онгоцны их биений урт нь 66.89 метр, өндөр нь 17.05 метр юм. Энэ нь ижил төрлийн онгоцноос илүү өргөн, өндөр таазтай тул зорчигчид тав тухтай байдлыг мэдрүүлэх давуу талтай. Нислэгийн хамгийн хол зай нь 12,000 км  бөгөөд Европын бүх хотууд, баруун Америк, Нью-Йорк зэрэг зүүн томоохон хотууд руу шууд нислэг хийх боломжтой.

A350-900 нь шинэ үеийн байгальд ээлтэй, өндөр үр ашигтай онгоц гэж тооцогддог. Энэ нь супер jumbo зорчигч тээврийн A380 онгоцтой харьцуулахад нэг суудалд ногдох түлшний зарцуулалтыг 40 орчим хувиар сайжруулсан хувилбар юм. Airbus анх удаагаа агаарын хөлгийн их биений 50 гаруй хувьд нүүрстөрөгчийн нийлмэл материалыг хэрэглэснээр онгоцны жинг мэдэгдэхүйц бууруулж, дотоод зохион байгуулалтыг нэмэгдүүлж байгаа юм. Хөдөлгүүр нь Rolls-Royce (RR) Trent XWB (Trent Extra Wide Body) төхөөрөмжөөр тоноглогдсон.

Мөн технологийн хувьд хамгийн дэвшилтэт онгоц гэж үнэлэгдэж байна. A350-900 нь нисэх онгоцонд ашигладаг биомиметик арга болох морфинг далавчаар тоноглогдсон. Энэ нь агаарын эсэргүүцэл багатай, их биений сэгсрэлтийг багасган, илүү тогтвортойгоор нислэг хийх боломжийг олгох юм. Бүхээгийн агаарыг 2-3 минут тутамд гадаах агаараар сэлбэж, урт нислэгийн үед ч цэвэр агаарыг хадгалахын тулд бүхээгийн агаарыг эргэлдүүлэх HEPA шүүлтүүр суурилуулсан. Одоо байгаа дунд болон том оврын зорчигч тээврийн онгоцтой харьцуулахад бүхээгийн чийгшил 5 хувиар сайжирч, бүхээгийн дуу чимээ 4-6 децибелээр (дБ) багассан.

Бүхээгийн даралтыг далайн түвшнээс дээш 6000 фит (fit)-ээс хэтрэхгүй байхаар зохицуулж, илүү тохь тухтай зорчих орчныг бүрдүүлсэн байна.

Өөр нэг анхаарал татахуйц онцлог нь A350-900-ийн карго хаалгыг Korean Air компани өөрсдийн зохион бүтээсэн хаалгаар тоноглогдсон байдаг. Каргоны хаалга нь байршлаасаа хамааран урд (Fwd), хойд (Aft), bulk (Bulk) гэсэн 3 хаалганаас бүрдэнэ. Ачааны хаалга нь нислэгийн үйл ажиллагааны аюулгүй байдалтай шууд холбоотой их биений томоохон бүрэлдэхүүн хэсэг учраас үйлдвэрлэгчээс өндөр нарийвчлал, технологийн ур чадвар шаарддаг юм.

Зорчигчдын хувийн орон зайг хадгалах бүхээгийн дотоод засал нь бас анхаарал татахуйц гэж хэлж болно. Korean Air компанийн A350-900 онгоц Престиж ангиллын 28, экономи ангиллын 283 суудал зэрэг нийт 311 хүний ​​суудлаас бүрдэнэ. Престиж ангиллын суудлуудыг сөөлжүүлж 1-2-1  байрлуулсан тул хажуугийн суудлын хөдөлгөөнд саад болохгүйгээр чөлөөтэй босож сууж болно. Суудлын өргөн нь 22 инч (56 см) бөгөөд орны горимд шилжвэл 77 инч (195.5 см) болж, илүү өргөн орон зайг бүрдүүлж, тэнгэрт тав тухтай байдлыг мэдрүүлж, хувийн орон зайг бүрэн хангах юм.

Экономи ангиллын суудал нь 3-3-3 харьцаатайгаар, нарийн бөгөөд хоорондын зай хангалттай гэдгээрээ онцлог юм. Нэмж дурдахад, гүйдэг суудлын дэр, эргономик загвартай суудал зэргийг нэвтрүүлсэн нь аяллыг илүү чөлөөтэй, тав тухтай болгодог. Суудлын хоорондох зай 32-33 инч (81-83 см), суудлын өргөн нь 18 инч (45 см) байна.

Мөн зорчигчийн таашаал, тав тухыг харгалзсан нислэгийн үеийн үзвэр үйлчилгээгээр хангаж байна.

Prestige Class-д та 18.5 инчийн дэлгэц, перимиум мэдрэгчтэй дэлгэцээр тоноглогдсон алсын удирдлагаар нислэгийн үеэр олон төрлийн энтертайнмент үзвэрүүдийг үзэх боломжтой. Panasonic-ийн eX3 энтертайнмент систем нь экономи ангиллын хувьд кино, хөгжим, телевизийн хөтөлбөр зэрэг агуулгыг агуулсан өргөн хэмжээний санг бий болгож, зорчигчдод нислэгийн турш олон янзын контентийг үзэх боломжоор хангах болно.

Korean Air компани цаашид A350-900, A350-1000 зэрэг А350 цувралын нисэх онгоцуудыг дараалан нэвтрүүлэхээр төлөвлөж байна.