Өнгөрсөн амралтын өдрүүдэд Монголын сагсан бөмбөгийн холбооны дээд лигийн Бүх оддын тоглолт боллоо. Энэ жилийн тухайд лигийн 30 жилийн ойд зориулсан гэдэг утгаараа илүү онцлог, олон гэнэтийн үйл явдлаар дүүрэн сонирхолтой болж өнгөрлөө. Хамгийн гайхалтай нь өнгөрсөн 30 жилийн түүхэн дэх хамгийн шилдэг 30 тамирчныг тодруулж, тэднийг нэг дээвэр дор чуулахыг харав. Мөн уламжлал болсон олны танил оддын тоглолт, ур чадварын тэмцээнүүд болж, UG arena-г доргиов.