Өмнөд Африкийн улс төрийн ертөнцийн хамгийн том арга хэмжээ болох "Сона" буюу "Үндэстний төрийн илтгэл"-д оролцохоор олон хүн цуглажээ. Энд зөвхөн улстөрчдөөр тогтохгүй урлаг, соёлын алдартнууд ч ирдэг учир арга хэмжээний үндсэн агуулга алдагдаж, загварын тайз мэт болох нь бий.

"Сона" нь Кейптаун дахь парламентын хоёр танхимын хамтарсан хуралдаан юм. Энэ нь оны эхэн үед болдог бөгөөд засгийн газрын тухайн жилийн анхны ажил гэхэд болно. Хуралдааны үеэр ерөнхийлөгч Кирилл Рамафоса улс орныхоо ерөнхий зураглал, цаашдын замыг танилцуулдаг.

Ийм чухал арга хэмжээ боловч загварын шоу болж хувираад олон жилийг ардаа үджээ. Энэ өдөр улстөрчид дотоодын загвар зохион бүтээгчдээ дэмжиж, Өмнөд Африкийн авьяас чадварыг олон нийтэд харуулахыг хичээдэг. Тухайлбал, Өмнөд Африкийн Ус, ариун цэврийн яамны сайд Пемми Мажодина уламжлалт хувцсаа өмсч, гайхалтай ээмэг зүүжээ.

Энэ жил дуучин Инако Матеза дуу, бүжгээрээ дамжуулан ерөнхийлөгч Кирилл Рамафосагийн амьдралын түүх, замналыг өгүүлжээ.

Улс төрийн арга хэмжээ загварын тайз болон хувирсны нэг илэрхийлэл бол улаан хивс. Хуралдаан болох газрын газаа зочид, улстөрчид зургаа авхуулах улаан хивсийг дэвсжээ. Энэ жилийн арга хэмжээний үеийн зарим гэрэл зургаас сонирхуулж байна.