Японд маш хүчтэй цас шуурч, 24 цагийн дотор метр гаруй өндөр цас тогтсон байна. Цаг агаарын албаны мэдээлснээр, Ням гариг хүртэл нийт нутгаар хүчтэй хүйтэрч, их хэмжээний цас орсоор байх болно. Ялангуяа төдийлэн цас их ордоггүй Кинки, Токай бүс нутгийн тэгш газар ч мөн адил их хэмжээний цас орно гэдгийг анхааруулав.

Баасан гаригийн 11:00 цагийн байдлаар хуримтлагдсан цас Ямагата мужийн Окура тосгонд 3.25 метр, Ниигата мужийн Уонума хотод 3.19 метр, Фүкүшима мужийн Тадами хотод 2.79 метр өндөр болжээ.

Цаг уурын албаныхан Ниигата мужид Бямба гаригийн үдээс хойшхи 24 цагийн дотор 80 см зузаан цас орно гэж таамаглаж байна. Тохоку, Хокурику, Кинки, Чугоку мужууд болон Гифу мужид 70 сантиметр, Канто-Кошинд 50 сантиметр, Хоккайдод 40 сантиметр, Шикокуд 30 сантиметр байж магадгүй. Хойд Кюүшюү 15 сантиметр байх төлөвтэй байна. Мөн нийт нутгаар цас орж, далайн шуурга шуурч, хүчтэй салхи шуурга шуурч болзошгүйг анхааруулав.

Улмаар орон нутгийн эрх баригчид замын хөдөлгөөн, тог цахилгаанд саатал гарч болзошгүйг сануулж, цасан нуранги, далайн давлагаанаас сэрэмжлүүллээ.