"IEM Katowice" тэмцээний хасагдах шат өнөөдөр/2025.02.07/ эхэлнэ. Дэлхийн шилдэг 24 багаас өдгөө зургаа нь тунаад байна. Энэ дунд Монголын "The MongolZ" баг багтаж буй. Тэдний өнөөдрийн учраа нь Туркийн "Eternal Fire" баг. Хоёр багийн тоглолт өнөөдөр 22:45 цагаас эхлэх хуваарьтай. Тэгвэл тоглолтын өмнө "Eternal Fire" багийн дасгалжуулагч "Fabre" буюу Сезгин Калачи дараах ярилцлагыг өгчээ. Та бүхэндээ гол хэсгүүдийг хүргэе.

-Шинэ оны босгон дээр та нар "Calyx"-ийг явуулж, "jottAAA"-г авчирсан. Энэ өөрчлөлтийг хийе гэж хэрхэн шийдсэн юм бэ?

-JottAAA-г бид нар өмнө нь нэгтгэх гэж оролдсон. Гэвч тухайн үед бидний зорилго өөр байсан юм. Харин түүнийг "Sangal"-д зээлээр тоглуулсаны дараа тэр өөрийгөө хангалттай чадвартай, бэлэн гэдгээ харуулсан. Цаг үе нь яг таарсан. Одоо ч тэр өөрийгөө харуулж байна.

JotttAAA-ийн ачаар бидний хоорондох ойлголцол нэг түвшин ахисан. Тэр багт эерэг энерги авчирдаг. Тоглолтын өмнө тэр их чимээгүй байдаг ч яг тоглолтод хамгийн идэвхтэй нь байдаг. Тэр багт харилцаа, эерэг энерги авчисан.

-"The MongolZ"-ийг давж, "Vitality"-г хожиж, финалд хүрэх боломж хэр өндөр байна вэ?

-Бид өөрсдийгөө финалд хүрнэ гэдэгт итгэлтэй байна. Бид "The MongolZ"-ийн эсрэг тав тоглоход бид хоёр, тэд гурав хожсон. Тэдний тоглолтын хэв маяг биднийхтэй төстэй. Тэд бол бууныхаа хүчийг ашиглаж тоглодог. Гэхдээ ихэнхдээ бид илүү ур чадвартай баг нь байдаг. Бид ч ур чадвараа тоглолтод гаргах болно.

"Vitality" бол үргэлж хүчирхэг баг байсаар ирсэн. Гэхдээ бид тэдний эсрэг тоглохдоо тухтай байдаг. Тэдний эсрэг тоглоход аз ч бидний талд байдаг. Бидний тоглолтын хэв маяг тэдэнд хүндрэлтэй байх. "Vitality"-ийн эсрэг юу илүү хийхээ мэдэхгүй байна. Гэхдээ манай залуус илүү зоригтой тоглоно" гэв.

-Танай багийн лидер "XANTARES"-ийн энэ тогтвортой сайн тоглолтыг юутай ч харьцуулашгүй. Тэр 29 насандаа дэлхийн топ 20 тоглогчийн нэг боллоо. Цаашдаа зогсоогдошгүй мэт л харагдаж байна. Үүний нууц нь юу вэ? Тэр зүгээр л байгалиасаа авьяастай гэж үү?

-Анх би энэ багт ирэхдээ түүнийг топ 20 тоглогчийн нэг болгоно гэж амласан. Түүнийг хийхээс ч өмнө би хэлчихсэн байсан юм. Би үргэлж итгэсэн. Тэр бол дээд түвшний тоглогч. Мөн тэр хэнээс ч илүү шаргуу хөдөлмөрлөдөг. Түүнийг ингэж хөдөлмөрлөж, хичээл зүтгэл гаргаж байгааг харах таатай байдаг.

Түүний хувьд 20 настайгаасаа л эхлэн топ 20 тоглогчид багтах хэмжээний ур чадвартай байсан. Мэдээж багийнх нь амжилтаас шалтгаалж саяхан л анх удаагаа шалгарлаа. Хэрэв топ 20 тоглогчийг хувийн үзүүлэлтээр нь жагсаадаг байсан бол XANTARES сүүлийн арван жил топ 20 тоглогчийн нэгээр тодрох байсан юм.