"Чингис хаан" олон улсын нисэх буудлаас хот руу ирэх тууш замд зам тээврийн осол гарч тодорхойгүй хугацаагаар тус хэсгийн зорчих хөдөлгөөнийг хязгаарлаад байна. Өнөөдөр цасан шуурга хүчтэй байгаагаас зам талбай харагдахгүй байгаа тул нисэхээс хот руу явах иргэд Төв аймгийн замаар хурдаа тохируулж хөдөлгөөнд оролцохыг анхаарууллаа.

Төв аймагт мөн цаг агаарын нөхцөл байдал муудаж цас их хэмжээгээр орж, цасан шуургатай байгаа тул авто замын зорчих хэсэгт халтиргаа гулгаа үүсч, тууш замын үзэгдэх орчин хязгаарлагдмал байгаа аж.

“Чингис хаан” олон улсын нисэх буудлаас Улаанбаатар хотруу хүрэх тууш замын хөдөлгөөнийг хэзээ нээх нь тодорхойгүй байна. Тиймээс зорчигч үйлчлүүлэгчдийг нисэх буудлаас Улаанбаатар хотруу хүрэхдээ Төв аймгийн замыг сонгон анхаарал, болгоомжтой зорчино уу!