Хонь

Хоёрдугаар сард хүрээллээ шинэчилж, бүх зүйлийг тэгээс  эхлэхэд таатай байх болно. Ажил мэргэжлийн хэтийн төлөвөө нэмэгдүүлэхийн тулд олон нийтийн сүлжээ, хамтын ажиллагаанд анхаарлаа хандуулах хэрэгтэй. Ажил горилогчид хүссэн ажилдаа ярилцлага өгч, тэнцэж чадна. Шинэ санаа, төсөл, төлөвлөгөөгөө бусадтай хуваалцахаас бүү эргэлзээрэй. Ганц бие хүмүүс олон нийтийн үйл ажиллагаанд, ялангуяа үдэшлэг дээр сэтгэл догдлуулсан хэн нэгэнтэй учрах болно. Тиймээс шинээр танилцсан хэн нэгэнтэй яриа өрнүүлэхээс бүү цааргал. Хосууд сэтгэлийн амар амгалан, аз жаргалыг мэдрэхийн тулд нэг нэгэндээ бэлэг авч өгөөрэй. Энэ сарын таатай өдрүүд бол 5,19 бөгөөд улаан өнгө аз авчирна.

Үхэр

Энэ сард биелүүлэхэд тодорхой хэмжээний цаг хугацаа шаардагдаж магадгүй зүйл дээр ажиллана. Ажил горилогчид удаан хугацаанд тохирсон ажлын байраа хайж байсан бол хайгуулаа зогсоогоорой. Учир нь энэ сард та хүссэн ажилдаа орох бөгөөд шинэ даалгавар хүлээн авч магадгүй. Мөн манлайлах ур чадвараа харуулж, боломжийг атган авах болно. Өөртөө итгэлтэй, үзэл бодолдоо үнэнч, тогтвортой байснаар амжилт олно. Ганц бие бол ажлын байр эсвэл бизнес уулзалтад оролцсоноор хэн нэгэнтэй чин сэтгэлийн харилцаа үүсгэж, уран зориг өгөх хүнтэй учрах болно. Дур булаам зан чанар тань нэмэгдэх болно. Хосууд ирээдүйн төлөвлөгөөнийхөө талаар ярилцаж, зорилго нэг эсэхээ мэдэлцэж авна. Азтай өдрүүд нь Пүрэв, Ням гариг бол үзэсгэлэнт байгалийг санагдуулах хөрслөг ногоон өнгө аз авчрах болно.

Ихэр

Сурч, хөгжих боломжийг энэ сар олгож байна. Аялах, шинэ зүйл сурахаас эхлэн дотоод сэтгэлээ чагнаж, сэтгэлзүйн асуудлаа шийдвэрлэх зэрэг зүйлсийг хийх хэрэгтэй. Хэрэв ажил хайж байгаа бол боловсролын салбар эсвэл олон улсын салбарт ажиллах боломж олдож магадгүй. Харин өөрийн карьераа эхлүүлсэн бол хийж буй ажилтайгаа холбоотой сургалт, семинарт сууж, мэдлэгээ ахиулах болно. Ганц бие хүмүүс аялалд явж байхдаа сонирхолтой нэгэнтэй танилцах бол хосууд өнгөрсөн хугацаанд тулгарсан асуудлаа ярилцаж, ойлголцох хэрэгтэй байна. Та хаана ч явсан сонирхолтой яриа өрнүүлж чадна. Энэ сарын таатай өдрүүд нь 11,22 бол цэнхэр өнгө аз дуудах болно.

Мэлхий

Энэ сард өөрийгөө хөгжүүлж, дүгнэлт хийхэд тохиромжтой. Зорилгоо эргэн санаж, муу зуршил, үр дүнгээ өгөхгүй хэрэггүй бүхнээсээ хагацах болно. Мөн өөрчлөлтийг хүлээн зөвшөөрснөөр бүх асуудлыг даван туулна. Ажил горилогчид санхүүгийн салбарт ажиллах боломж олдоно. Ажил хөдөлмөр эрхэлж буй хүмүүс асуудлыг хэрхэн шийдвэрлэх талаар өргөн цар хүрээний төлөвлөгөөний дагуу бусдыгаа удирдан манлайлж, амжилт үзүүлэх болно. Хүлээцтэй, тэвчээртэй бөгөөд авхаалж самбаатай байхыг зөвлөж байна. Ганц бие хүмүүс өмнө нь уулзаж байсан мэт дотно мэдрэмж төрүүлэх сонирхолтой нэгэнтэй танилцах болно. Хосуудын хувьд энэ сарыг ашиглаж нэгэнтэйгээ сэтгэлээ уудалж, харилцаагаа итгэлцлээр дүүргэхийг хичээгээрэй. Энэ сарын 10 болон 24-ны өдөр хамгийн тааламжтай байх бөгөөд улаан хүрэн өнгө аз авчирна.

Арслан

Энэ сар бүхэлдээ хамтын ажиллагаагаар дүүрэн байх болно. Ялангуяа бизнесийн харилцаа таатай байх болно. Ажил горилогчид өөртөө тохирсон хувийн бизнесээ эхлүүлэн шинэ санаагаа хэрэгжүүлэх боломжтой. Харин тогтсон ажилтай хүмүүс баг хамт олноороо ажиллаж, сайн үр дүнд хүрэх болно. Ганц бие хүмүүс найз нөхөд эсвэл ажлын шугамаар сонирхолтой хүнтэй таарч магадгүй. Мөн хэн нэгэн таныг болзоонд уривал татгалзах хэрэггүй. Хосууд цагийг хамтдаа өнгөрөөж, харилцаа холбоогоо бэхжүүл. Таны азтай өдрүүд бол 12, 28 бөгөөд алтлаг шар өнгө эерэг бүхнийг амьдралд тань дуудах болно.

Охин

Өдөр тутмынхаа хэв маягийг өөрчилж, ажлын үр дүнтэй байдалдаа анхаарлаа хандуулах хэрэгтэй. Ажил горилогчид эрүүл мэнд, захиргааны салбараас ажлын байр хайвал амжилттай байна. Ажилчид ур чадвараа дээшлүүлж, тууштай байснаар ололт амжилт хүртэнэ. Та аливаа асуудалд ухамсартай хандвал дээд албан тушаалтан тань сайшааж, тушаал дэвшиж магадгүй. Ганц бие хүмүүс спортоор хичээллэж байхдаа заяаны ханиа олж магадгүй. Гэхдээ та харилцан яриаг эхлүүлэх хэрэгтэй байна. Хайртай хүндээ анхаарал хандуулах хэрэгтэй байна. Улмаар харилцаагаа сэргээж чадна. 15, 26-ны өдөр болон хар хөх өнгө аз авчирна.

Жинлүүр

Сонирхол, хоббиндоо анхаарал хандуулах цаг ирлээ. Ажил горилогчид өөрийнхөө онцлог зан чанарыг харуулснаар хүссэн ажилдаа орно. Ажлын талбар дээрээ эрсдэлийг үүрч, асуудлыг шийдвэрлэх юм бол шагнуулах болно. Эсвэл тушаал дэвшиж магадгүй. Ганц бие хүмүүс үдэшлэг, клубийн уулзалт болон хоббигоо хөгжүүлсэн арга хэмжээ дээр сонирхлыг чинь татсан хэн нэгэнтэй учрах болно. Тиймээс олон нийтийн үйл ажиллагааг холуур тойрох хэрэггүй. Хосууд үзэсгэлэнтэй газар болзож, харилцаагаа сайжруулаарай. Энэ сарын 7,21-ны өдөр болон ягаан өнгө танд аз авчрах болно. Гэр бүлийн харилцаа илүү халуун дулаан, дотно байна.

Хилэнц

Энэ сард гэр орон, орчин тойрондоо анхаарал хандуулах болно. Өөрийгөө болон бусдын сайн сайхны төлөө хичээх шаардлага гарна. Ажил хайж байгаа бол үл хөдлөх хөрөнгө эсвэл эрүүл мэндийн тусламж үйлчилгээний салбарт амжилт олно. Ажлын талбар дээр урьд урьдынхаасаа илүү их анхаарал, туршлага шаардагдсан үүрэг даалгаврыг биелүүлэх шаардлага гарах нь. Ганц бие хүмүүс гэр бүлийн гишүүнээр дамжуулан эсвэл цомхон үдэшлэг дээр заяаны ханьтайгаа учирч магадгүй байна. Хосууд харилцаагаа сайжруулахын тулд хамтдаа цагийг өнгөрөөж, ярилцах шаардлагатай байна. Энэ сарын 9, 25-ны өдөр болон цагаан өнгө аз авчирна.

Нум

Энэ сар бүхэлдээ харилцан ойлголцол, хамтын ажиллагаагаар дүүрэн байна. Бусадтай харилцах чадвараа сайжруулж, бүтээлч байхыг зөвлөж байна. Ажил горилогчид хэвлэл мэдээлэл, харилцаа холбооны салбарт хүч сорьж үзэхийг зөвлөж байна. Ажил талбар дээр шинэ, соргог санаагаа удирдах албан тушаалтандаа танилцуулж, шинэ хамтрагчтай болоорой. Ганц бие хүмүүс найзынхаа тусламжтай сонирхол татахуйц нэгэнтэй танилцах тул харилцан яриа өрнүүлэхээс ичих хэрэггүй. Хосууд нэгнийхээ хүсэл мөрөөдөл, зорилгыг урамшуулснаар аз жаргалтай байх болно. Энэ сарын 11, 23-ны өдөр болон шар өнгө аз дуудна.

Матар

Энэ сард санхүүгийн тогтвортой, аюулгүй байдалдаа анхаарал хандуулах хэрэгтэй байна. Урт хугацаандаа өгөөжөө өгөх шинэ эх үүсвэр бий болгоход анхаарна. Ажил горилогчид тогтвортой санхүүгийн эх үүсвэр болох албан тушаалд ярилцлага өгвөл азтай байна. Ажлын талбар дээрээ өөрийн тогтвортой, тууштай байдлаа харуулснаар цалингийн нэмэгдлээр шагнуулж магадгүй. Энэ сард хөрөнгө оруулалт хийх юм бол үр дүнгээ өгөх болно. Ганц бие хүмүүс прагматик амьдралын хэв маягт татагдаж магадгүй. Хосууд утга учиртай яриа өрнүүлснээр харилцаагаа сайжруулж чадна. 14, 27-ны өдөр болон бор өнгө аз авчирна.

Хумх

Энэ сард та урьд урьдынхаасаа илүү өөртөө итгэлтэй, содон байх болно. Та энэ сард амьдралынхаа гол жолоог атгаж, өөрчлөлтийг илүүд үзнэ. Бүтээлч байдлаа харуулснаар хүссэн ажлын байраа олох боломжтой. Харин карьераа эхлүүлсэн хүмүүс удирдагч шинж чанараа хамт олондоо таниулж, шагнал урамшуулал авна. Томоохон сонголт хийхдээ өөртөө итгэлтэй байгаарай. Ганц бие хүмүүс хэн нэгэнд таалагдах гэж хичээх хэрэггүй. Өөрийнхөөрөө байснаар бусдын сонирхлыг татаж чадна гэдэгтээ итгээрэй. Хосууд сонирхолтой болзоог зохион байгуулснаар хайр сэтгэлийн галаа дахин бадрааж чадна. 9, 20-ны өдөр болон мөнгөлөг өнгө аз авчирна.

Загас

Энэ сард өөрчлөлтийг хүлээн зөвшөөрч сурах хэрэгтэй. Өнгөрсөн үеийн бүхий л сэтгэл эмзэглүүлсэн асуудал, бодлоо хая. Тусламжийн байгууллага эсвэл олон нийттэй харилцах салбарт ажил хайж буй хүмүүс азтай байх болно. Ажлын талбар дээрээ ирээдүйд ямар төсөл, санаануудаа хэрэгжүүлэх талаар төлөвлөх хэрэгтэй байна. Ганц бие бол сэтгэлийн амар амгаланг мэдэрч чадах газраас хосоо олно. Хосууд хамтдаа амралт зугаалга эсвэл сонирхолтой аялалд гараарай. Энэ сарын 7, 19-ны өдөр болон  нил ягаан өнгө аз авчирна.