Сайтама мужийн Яшио хотын машин зам гэнэт цөмөрснөөс болж 74 настай ачааны машины жолооч нүхэнд унажээ. Тодруулбал, Мягмар гаригт болсон уг хэргээс хойш аврах баг тухайн жолоочийг аврах ажиллагааг эхлүүлж, нүх рүү орсон налуу зам тавьж эхлээд байна. Одоог хүртэл жолоочтой холбоо тогтоож чадахгүй байгаагаас гадна нүхнээс 20 метрийн зайд дахин газар цөмөрч, нүх үүссэн байна.

Албаныхны мэдэгдсэнээр эхний нүх газрын гүнд 10 метрийн зайд бохирын хоолой задарснаас болсон гэж тайлбарлав.

Улмаар хөрс нь хог хаягдал, бохирдолтой холилдож нуранги үүсэхэд нөлөөлсөн гэжээ. Гал сөнөөгчдийн баг хүнд даацын машин механизмаар хөрс, нуранги цэвэрлэж буй. Мөн аюулгүй байдлыг хангахын тулд нарийн арга хэмжээ авахын зэрэгцээ жолоочийн байршлыг аль болох хурдан олохыг хичээж байна.