УИХ-ын гишүүн Б.Уянга: 

-Тэрбээр, "өнөөдрийн хэлэлцүүлэгт тавьсан утааг бууруулах шийдлүүд нэлээд сонирхолтой санагдлаа. Та бүхний бүтээсэн шийдлүүд төрд хүрэх боломж нь хомс байсан байна гэж харлаа. Тэгээд бид ойрын хугацааны шийдлээрээ олон жил явчхаж гэж бодож байна. Тиймээс өнөөдөр танилцуулсан утааг бууруулах технологи болон шийдлүүдийг нэгдсэн нэг системд байршуулаад нийслэл рүү хүргүүлэх саналыг дэвшүүлж байна" гэв. 

Г.Өлзийцогт "Хайпернова" компанийн захирал: 

– Уг хэлэлцүүлэгт оролцсон компаниудын танилцуулсан шийдэл, бүтээгдэхүүн хэрэглэгчээс ямар үр дүн авсан юм гэдгийг одоо хэлэлцэх хэрэгтэй байх. Үр ашигтай нь юу байв гээд. Утааг бууруулахад олон хүний оролцоо, оновчтой шийдэл чухал. Хоёрдугаарт, цахилгаан станцаа хурдан барьж өгөхийг хүсч байна. Одоо байгаа 200 мянган айлд одоогийн хэрэглэж байгаа цахилгааны эх үүсвэр дээр айл бүрд 4кв эрчим хүч нэмээд шийдэхэд хоёр жилийн дотор өөрчлөлт гарна. 

Агаарын бохирдлыг бууруулахад газрын гүний дулаан, цахилгаан, цэвэр эрчим хүч ашиглах судалгааны талаар

н.Лхагва-Очир мэдээлэл хийлээ.

-Улаанбаатар хот Туул голын дагуух бүсээс усыг олборлоод буцаагаад дулаан хангамж болгон хэрэглээнд хэрэглэсэн усыг цэвэрлэх байгууламж руу асгаж байгаа. Тэгэхээр цэвэрлэх байгууламжийн шугамыг гадна талаар нь  ороогоод дулааны станц барих саналыг гаргаж байна. Тухайлбал, дулааны нацос 5 градус орчим байхад 60 градус дулааныг гаргах боломжтой. Өдөр болгон хаягдаж байгаа бохир ус бол 18 градус байдаг. Тэр 18 градусын бохир усанд дулааны нацос тавиад ажиллуулах юм бол 20 орчим Мвт дулааны станц барих боломж байна. Орос улсад хаягдал бохир усыг ашиглан 40 Мвт станц барьсан байдаг. Монгол Улсад хаягдал усыг ашиглан станц барих тухай судалгаа байхгүй. Бохир усыг шууд асгаж байна. Дулааны нацосын хувьд 5 градусын эх үүсвэр байхад хэрэглээний халуун усыг гаргах боломжтой.

Энэ үеэр инженер, зохион бүтээгч З.Золжаргал

-МТэрбээр, " Төслийн зуухыг бүгд мэднэ. Энэ зуухны онцлог нь дээрээс нь галлавал зөв шатдаг гээд өнгөрсөн хугацаанд айлуудад тараасан.

Гэхдээ бодит байдал дээр айлууд эхэлж галлахдаа дээрээс нь галладаг. Харин хоёр дахь удаа галлахдаа үлдэгдэл цогийн дээр шууд түлшээ нэмээд хийчихдэг. Улмаар уугилт ихээр бий болоод маш их утаа гаргадаг.

Тэгэхээр цогоо буцааж аваад, дахин түлшээ эхнээс нь хийгээд, дээрээс нь модоо асаагаад галлах хэрэгтэй болдог. Гэтэл мод үнэтэй, байнга ингэж цэвэрлээд шинээр хийх төвөгтэй.

Тиймээс хүмүүс өөрт хамгийн амраар нь сая тайлбарласан аргаар л галладаг. Бүх айлын галлагааг бид хянаж чадахгүй.

Өдөрт 3-5 удаа энэ процессоор галлахад л утааг маш ихээр гаргаж байгаа юм. Энэ нөхцөл байдал л утаа үүсгэх техникийн гол шалтгаан болоод байна.

Мөн угаарын хийн аюулын асуудал хүнд байна.

Агааржуулалтгүй гэрт угаар үүсэх эрсдэл үүсээд байгаа юм. Одоогийн монгол гэрүүд бүгд гадуураа гялгар уут, машины хучлагын материалаар бүрээс хийчихсэн байдаг тул гэр агааргүй болгоод бүрэн битүүмжилсэн байдаг.

Цонхоо онгойлгохоор хүйтэн орж ирээд байдаг тул шөнө цонх, хаалга гээд бүх зүйл нь хаалттай ямар ч агааргүй орчинд унтаж байна.

Агаар байж л зууханд түлшний шаталт бий болдог гэдгийг хүмүүс маш сайн ойлгох хэрэгтэй. Гэтэл гэрт агаарын дутмагшил болчхоод байхад зууханд бүрэн шаталт үүсэхгүй. Өөрөөр хэлбэл ямар ч технологийн зуухнууд дутуу ажиллаад байна гэсэн үг.

Энэ нөхцөл байдал угаар үүсгэж байгаа хамгийн гол шалтгаан юм" гэв.