"Black Pink" хамтлагийн гишүүн, К-попийн гүнж нарын нэг Женни өнөөдөр "Love Hangover" буюу "Хайрын шарталт" нэртэй шинэ дуугаа цацах гэж байна. Энэ дуу түүний анхны бүрэн хэмжээний бие даасан цомог "Ruby"-д багтаж байна. "Love Hangover"-т Америкийн дуучин, ая зохиогч Доминик Фиктэй хамтран ажиллажээ. Уг дуунд тэсвэрлэшгүй бөгөөд хортой хайр дурлалаас үүдэлтэй сэтгэлийн тэмцлийг өгүүлдэг гэв.

"Ruby" цомог гуравдугаар сарын 7-нд нээлтээ хийнэ. Цомгийн нээлтийн хүрээнд Женни гуравдугаар сард Лос Анжелес, Нью-Йорк, Инчон зэрэг хотод "The Ruby Experience" шоуг хөтлөх болно. Цомогт "Childish Gambino", "Doechii", "Dua Lipa", "FKJ", "Kali Uchis" зэрэг дэлхийн уран бүтээлчидтэй хамтран ажилласан нийт 15 дуу багтжээ. Үүнд, өнгөрсөн онд цацагдсан "Mantra", "Zen" дуунууд багтана.